АН-ын гишүүдийн авилга авсан хэргүүд

[last_mogican]

Цуврал-89

Р.Эрдэнэбүрэнг саатуулжээ

Авлигатай тэмцэх газраас Гааль татварын ерөнхий газрын зарим албан хаагчид болон УИХ-ын гишүүн асан Р.Эрдэнэбүрэнг саатуулан шалгаж байгаа гэх мэдээллийн мөрөөр тус газрын Хэвлэл, олон нийттэй харилцах ажилтан Т.Мөнхтунгалагаас тодруулав.

-УИХ-ын гишүүн асан Р.Эрдэнэбүрэнг Гааль, татварын ерөнхий газрын зарим албан хаагчдад холбогдох хээл хахуулийн гэмт хэрэгт саатуулан шалгаж байгаа гэсэн мэдээлэл зарим эх сурвалжаас гарч байна. Энэ үнэн мэдээлэл үү?

-Авлигатай тэмцэх газраас Р.Эрдэнэбүрэнг Барилга, хот байгуулалтын яамны Төрийн нарийн бичгийн даргаар ажиллаж байхдаа “Барилгын салбарыг дэмжих, улмаар орон сууцны үнийг тогтворжуулах” дэд хөтөлбөрийг хэрэгжүүлэх ажлын хүрээнд хууль бус шийдвэр гарган, бусдаас хээл хахууль авсан байж болзошгүй үндэслэлээр эрүүгийн хуулийн тусгай ангийн 268 дугаар зүйлийн 268.2-д зааснаар шалгаж байгаа нь үнэн. Түүнийг Гааль татварын ерөнхий газрын зарим албан хаагчидтай холбоотой хээл хахуулийн хэрэгт холбогдуулан шалгасан зүйл байхгүй.

Харин Гааль, татварын ерөнхий газрын Зөрчилтэй тэмцэх газрын дарга “М”-ийг албан тушаалын эрх мэдлийг ашиглан, бусдаас хээл хахууль авсан гэх үндэслэлээр эрүүгийн хуулийн тусгай ангийн 268 дугаар зүйлийн 268.2-д зааснаар мөн шалгаж байгаа бөгөөд Р.Эрдэнэбүрэн, “М” нарыг өчигдөр буюу 2016 оны 03 дугаар сарын 31-ний өдрөөс эхлэн цагдан хорих таслан сэргийлэх арга хэмжээ авч саатуулсан. Эдгээр хүмүүс нь нэг өдөр л саатуулагдсан болохоос тус тусдаа өөр эрүүгийн хэрэгт шалгагдаж байгаа. Мөрдөн байцаалтын ажиллагаа явагдаж байгаа болохоор үүнээс илүү дэлгэрэнгүй мэдээлэл өгөх боломжгүй байна. Олон нийтэд үнэн зөв, бодиттой мэдээлэл өгөх үүднээс товч мэдээлэл өгч байгаа юм.

-ГТЕГ-ын Зөрчилтэй тэмцэх газрын дарга нь 2016 оны 03 дугаар сарын 30-ны өдөр саатуулагдан шалгагдаж байгаа Замын –Үүдийн гаалийн байцаагч нарын хэрэгт холбоотой юу?

-Мөрдөн байцаалтын ажиллагаа хийгдэж байгаа болохоор үүнээс өөр дэлгэрэнгүй мэдээлэл өгөх боломжгүй. Харин Авлигатай тэмцэх газраас Гааль, татварын ерөнхий газартай хамтран тухайн салбарын хэмжээнд төрийн албаны болон байгууллагын ёс зүйн дүрмийг чандлан сахиж ажиллах, авлигаас урьдчилан сэргийлэх, авлигын хор аюулыг албан хаагчдад ухуулан таниулах, авлигыг үл тэвчих ёс суртахуун төлөвшүүлэх, авлигын шалтгаан нөхцлийг илрүүлэн тогтоох, үр дагаварыг нь арилгахад чиглэсэн урьдчилан сэргийлэх арга хэмжээг авч хэрэгжүүлэхээр төлөвлөн ажиллаж байна.

ЭХ СУРВАЛЖ: АТГ

http://www.news.mn/content/239676.shtml

ps. door ni iim utgataicomment bas baihiin "Temuujintei hamtarch turkuudtei niilj tsagdaad chanargui huvtsas shahsan gej"

[last_mogican]

Цуврал-90

Зам-Үүдийн гаалийнхан үйлдэл дээрээ баригджээ

Авлигатай тэмцэх газрын албан хаагчид 2016 оны гуравдугаар сарын 30-ны өдөр буюу өчигдөр Дорноговь аймгийн Замын-Үүд суман дахь Гааль, татварын ерөнхий газрын нэр бүхий гаалийн улсын болон ахлах байцаагч нар албан үүрэг гүйцэтгэх явцдаа бусдаас хээл хахууль авч байхад нь баривчлан саатуулсан байна.

Эрүүгийн хуулийн тусгай ангийн 268, 269 дүгээр зүйлд зааснаар эрүүгийн хэрэг үүсгэн, холбогдох байцаан шийтгэх ажиллагааг энэ үеэр гүйцэтгэжээ. Замын-Үүдийн авто баазын шалган нэвтрүүлэх боомтод АТГ-ын мөрдөн байцаагчид одоо хүртэл ажиллаж байгааг тус газраас мэдээллээ. АТГ, Мөрдөн байцаах газрын байцаагчид хамтран дээрх гаалийн байцаагчдын ажлын байр, боомт дахь гэрийг үүр цайтал нэгжсэн байна.



Ж.Батсайхан



Эх сурвалж: “Монцамэ” агентлаг

http://www.sonin.mn/news/gemt-hereg/59747

[last_mogican]

Цуврал-91

ТЭЗҮ нэртэй төмөр замыг хулгайлах төлөвлөгөө

"Сарыг хулгайлах төлөвлөгөө" гэж нэг хүүхэлдэй байдаг. Хорон санаатан шидтэн хамгийн мундаг хорон санаатан шидтэн гэдгээ нотлохын тулд дэлхийгээс сарыг хулгайлахаар шийддэг. Гэвч сүүлдээ мань эр буруу юм хийж байснаа ухаардаг. Харин амьдрал дээр монгол улсаас төмөр замыг хулгайлах төлөвлөгөө гарган хулгайлсан бидний эх орон нэгтнүүд байна. Тэд харин буруу юм хийснээ ухаарч нүглээ наманчлах болов уу?

Сүүлийн үед хэл ам дагуулаад байгаа Даланзадгад- Баруун-Урт-Чойбалсан чиглэлийн 1100 орчим км төмөр замын суурь бүтэц барих төслийн ТЭЗҮ-г шалгаруулсан явц, хийсэн ажлынх нь талаар хэвлэлүүдээр гарсан мэдээллүүдийг нэгтгэж харвал, яах аргагүй ингэж бодно. “Эх оронч” Х.Баттулга болон “Эх орноосоо зугатсан” Ч.Ганбат нарын холбогдсон энэ хэрэг яаж эхлэв. Америк мафийн компаний нэртэй компанитай “эх оронч” мэдэгдээд байгаа шигээ үнэхээр буруугүй юу?

Баримт сөхвөл...Тухайн үеийн Зам тээвэр, барилга хот байгуулалтын сайдаар ажиллаж байсан “эх оронч” Х.Баттулга нь 2010.04.06-ны өдрийн тушаалаар “Монголын төмөр зам” ТӨХК-ний захиралаар Баасандоржийн Батзаяаг, 2010.12.28-ний өдрийн ЗТБХБ-ын Сайдын 427 дугаар тушаалаар “Шинэ төмөр замын төсөл”-ийн ажлын хэсгийн ахлагчаар Ч.Ганбатыг томилж, ганцхан сарын дараа 2011.01.24 өдрийн тушаалын нэгдүгээр хавсралтаар зөвлөх үйлчилгээ үзүүлэх компануудыг шалгаруулах ажлын хэсгийн гишүүн болгосоноор энэ “Төмөр замыг хулгайлах төлөвлөгөө” хэрэгжиж эхэлжээ.

Ийн өөрийн итгэлтэй хүмүүсээр багаа урьдчилан бүрдүүлсэн Зам тээвэр, Барилга хот байгуулалтын сайд, “эх оронч” Х.Баттулга, Төрийн өмчийн хорооны дарга Д.Сугар нарын хамтарсан 30/24 дугаартай тушаалаар Төмөр зам барих төслийн ТЭЗҮ-г хийх компанийг сонгох ажлыг “Монголын төмөр зам” ТӨХК-д даалгасан байна.

Удалгүй “МТЗ” ТӨХК-ний Төлөөлөн удирдах зөвлөлийн 2011.03.01-ний өдрийн 23 дугаар тогтоолоор Даланзадгад-Баруун-Урт-Чойбалсан чиглэлийн 1100 орчим км төмөр замын суурь бүтэц барих төсөлд ТЭЗҮ хийх багаар “McKinsey & Company” компанийг шууд сонгож “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн 37,38,39-р дүгээр зүйлд заасан “Зөвлөх сонгох журам, арга”-уудыг зөрчин шууд сонгож хууль бус шийдвэрийг гаргасан байна.

Ингээд зориг шуударсан эх оронч тэргүүтнүүд Төрийн өмчийн хорооны 2011.03.17-ны өдрийн 107 дугаар тогтоолоор зөвшөөрөл авч, Ч.Батзаяагийн удирдаж байсан “МТЗ” ТӨХК-ийн эзэмшилд байдаг 3 зүтгүүрийг Хаан банкинд 1 жилийн хугацаатай барьцаалан зээл авч, төлбөрийн 4.000.000 ам долларыг төслийн ерөнхий зөвлөх “McKinsey & Consulting Company”-д, 750.000 ам долларыг туслан гүйцэтгэгч “Pillsbury” компанид, 100.000 ам долларыг “BNP Paribas” компанид, 800.000 ам долларыг “Liberty partners” ХХК-д тус бүр “МТЗ” ТӨХК-ний Хаан банкны 5022693265 тоот данснаас шилжүүлэг хийсэн байна.

Ингээд гүйцэтгэгч тал буюу “McKinsey & Company” тэргүүтэй нөхдүүд энэхүү өртөг өндөртэй захиалгын ажлынхаа тайланг “Энэхүү техник эдийн засгийн үндэслэлийг “МТЗ” ТӨХК-ийн дотоод хэрэгцээнд зориулан боловсруулсан бөгөөд...2011 оны 4 дүгээр сарын 18 ны өдрөөс хойш 4 сарын хугацаанд хийж гүцэтгэсэн ажлын үр дүн, санал зөвлөмжийг агуулсан болно” гэсэн хүн ойлгоход бэрх, сонин утгатай үгээр эхлүүлсэн байна.

Хамгийн хачирхалтай нь монгол мөнгөөр 11 тэрбум төгрөгийн “зөвлөх үйлчилгээ” үзүүлэх эрхийг шууд авчихаад, “Энэхүү тайланд тусгагдсан санал зөвлөмжүүд нь зарим нэгэн таамаглал, тооцоолол дээр суурилсан болно...Энэхүү тайланд тусгагдсан зөвлөх багийн техникийн зөвлөмжийг шууд хэрэгжүүлэх ёсгүй бөгөөд техникийн зөвлөхөөр дахин нягталж баталгаажуулах шаардлагатай” гэж хуурамч ажлынхаа алдаа, дутагдлыг халхавчилсан байна.

Гүйцэтгэгч талыг ийн хүнд ойлгомжгүй үгээр хоосон цаас бөглөөд 8 сард өгөхөд нь, “МТЗ” ТӨХК-аас 2011 оны 09 дүгээр сарын 21-ний өдөр “McKinsey & Company”-ний боловсруулсан ТЭЗҮ-ийг хүлээн авах “Ажлын хэсэг байгуулах тухай” гүйцэтгэх захирал Б.Батзаяа тушаал гарган хүлээж авахдаа, тухай үед төслийн ажлын хэсэгт эдийн засагчаар ажлласан Н.Мөнхдөлийн гарын үсгийн хуурамчаар дуурайлган үйлдэж хүлээн авсан актанд оруулсан нь нотлонгдсон байна. Эдийн засагч хүн юу хийдгийг энд дурьдах нь илүүц биз.

Үүнээс өмнөх үйл явдлын өрнөл БНХАУ дахь “McKinsey&Company” компаниас Чулуунхүүгийн Ганбат захиралтай “Либерти Партнерс” ХХК-ний Голомт банкны дансанд, 2011.4-р сараас 2012.4-р сар хүртлэх хугацаанд 3 удаагийн сэжигтэй гүйлгээгээр 124.000 ам доллар шилжүүлснээр үргэлжлэв. Зүй нь “МТЗ” ТӨХК нь зөвхөн “McKinsey&Company” компанитай гэрээ байгуулах шийдвэртэй атал нөгөөдүүл нь мөнгө хөлсөө бүрэн авахын тул Ч.Ганбатын өөрийн “Либерти партнерс” компанийг 2011.04.07-ны өдөр гэрээнд оролцогч тал болгож, “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн 14 дүгээр зүйлийн 14.1.5-д заасан “Тендерт оролцогч нь бараа, ажил үйлчилгээний зураг төсөл, техникийн тодорхойлолт болон баримт бичгийг бэлтгэсэн, эсвэл гэрээний хэрэгжилтийг хянах зөвлөх үйлчилгээ үзүүлэх...” -ийг ил цагаан зөрчиж нэг дор захиалагч бас гүйцэтгэгч болсон байна. Юу гүйцэтгэсэн нь та бүхэнд ойлгогдож байгаа байх.

Гэтэл бүр жилийн хойно нэг шилжүүлэг хийгдсэн байна. “МТЗ” ТӨХК-иас “McKinsey&Company” компанид ТЭЗҮ хийсэн ажлын гүйцэтгэлийн төлбөр шилжүүлсэн БНХАУ-ын Бээжин хот дахь “China Merchants” банкны данснаас Монгол улсын “Бизнес Инвест Девелопмент” банк бус санхүүгийн байгууллагад 2012.09.24-ны өдөр 200,000 ам доллар шилжүүлсэн бөгөөд үүнийгээ “McKinsey & Company” компаний ажилтан Жонн Хэнигин гэгч тус “Бизнес Инвест Девелопмент” ББСБ-аас зээл авсан мөнгөний буцаан төлөлт гэж тайлбарласан боловч зээл аваагүй болох нь шалгалтын явцад тогтоогджээ. Жирийн хүний зүүдэнд л ором их мөнгө яаж явсныг харъя.

“МОНГОЛЫН ТӨМӨР ЗАМ” ТӨХК-НИЙ данснаас

Нэг. Pillsbury Winthrop shaw pittman-ы АНУ-д төвтэй JP Morgan, chase bank 2000028308009 дансанд:

2011.04.11-нд 300,000 $,

2011.06.15-нд 150,000 $ 2011.07.18-нд 90,000 $

2011.12.06-нд 8000 $ Нийт: 548.000 $ доллар шилжүүлж, уг данснаас LIBERTY PARTNERS LLC буюу Ч.Ганбатын дансанд 2014.08.12-нд 49.983.0 $ буцаан шилжүүлжээ.

Мөн BNP Paribas corporate&investment-ын АНУ-д төвтэй Wachovia bank nostro 200-10094800155 дансанд

2014.04.11-нд – 40.000 $

2011.06.15-нд – 20.000 $

2011.07.18-нд – 12.000 $

Нийт: 72.000 $ шилжүүлсэн байна.

Харин ТЭЗҮ-гийн захиалгын хамгийн том гүйцэтгэгч Mckinsey & Consulting company-ны БНХАУ-д төвтэй China merchants bank-ны 862380956310001 дансанд

2011.04.11-нд – 1,600,000 $

2011.06.15-нд – 800,000 $

2011.07.18-нд – 480,000 $

2011.12.06-нд – 320,000 $

Нийт: 3.200.000 $ доллар шилүүлж, тус данснаас эргүүлэн 2012.09.21-нд “Бизнес инвест девелонмент” ББСБ-ын “Худалдаа хөгжлийн банк”-ны дансанд 200.000 ам доллар шилжүүлж, харин “LIBERTY PARTNERS” ХХК-руу

2011.07.08-нд 37.174.60$

2011.12.14-нд 49.036.47$

2012.04.13-нд 37.814.98$ буюу нийт: 124.026 долларыг 3 хуваан эргүүлэн шилжүүлжээ. Үүн дээр анхлан МТЗ ТӨХК-аас “LIBERTY PARTNERS” руу шилжүүлсэн 800.000 долларыг нэмээд нийтдээ 1.197.000 доллар буюу 2.400.000.000 төгрөг нь лав “эх оронч”-дын гарт илээр оржээ.

“Энэхүү тайлан нь судалгааны хугацаанд мэгдэгдэж байсан мэдээлэл дээр үндэслэсэн ба зөвлөх нь тэдгээр мэдээллийг боловсруулаагүй ба хөндлөнгийн этгээдээр хянан баталгаажуулаагүй болно. Хэдийгээр зөвлөх баг нь эдгээр мэдээллийг үнэн бодитой гэж үзэж буй боловч эдгээр мэдээлэл нь бодит байдалтай бүрэн дүүрэн нийцэж байгаа эсэхэд баталгаа өгөх боломжгүй болохыг анхаарна уу?” гэсэн бас л ухаж ойлгох аргагүй тайлбартай 11 тэрбум төгрөгөөр 4-хөн сар боловсруулсан гэх ТЭЗҮ нэртэй төмөр замыг хулгайлах төлөвлөгөөны нэг хэсэг л ийм байна. Жирийн хулгайч вагоноос нүүрс хулгайлдаг бол том хулгайч төмөр замыг тэр чигээр нь хулгайлдаг гэдэг үнэн ажээ.

Эх сурвалж: www.TODAY.mn

http://today.mn/p/17154

[last_mogican]

Цуврал-92

Их аварга Дагвадорж Арбитрт дуудагдах уу?

Мэргэжлийн сумогийн 68 дахь их аварга, Монгол Улсын хөдөлмөдийн баатар Д.Дагвадорж 10 сая доллар хувьдаа завшсан асуудлаар Арбитрт дуудагдаж магадгүй байна.

Учир нь "Live energy" уул уурхайн компанийн захирал А.Эрдэнэбат өнөөдөр мэдээлэл хийж, түүнийг шалгуулахаар Олон улсын шүүхэд хандсан талаараа дуулгалаа. Тэрбээр БНХАУ-ын иргэн Хүан Ёү Лун өөрөөс нь 15 сая доллар нэхэмжилж байгаа асуудлыг хөндсөн бөгөөд энэ мөнгийг сумогийн их аварга Д.Дагвадорж хамаарах хүмүүстэйгээ залилан авсан байх магадлалтайг хэлсэн юм.

Тодруулбал, А.Эрдэнэбат нь хэдэн жилийн өмнө аварга Д.Дагвадорж, Д.Сумъяабазар, Үндэсний Хөрөнгө Оруулалтын Банкны ТУЗ-ын дарга Б.Баярсайхан нартай холбогдож, төслүүд дээрээ нэмэлт хөрөнгө оруулалт хийх, хөрөнгө оруулагчтайгаа танилцсан байна.

Их аваргын танилцуулсан тэрхүү хөрөнгө оруулагч нь БНХАУ-ын иргэн Хүан Ёү Лун буюу бидний мэдэх Жао вэй буюу "Хуан жү гэг" ийн нөхөр байсан бөгөөд А.Эрдэнэбатын нэр дээр 10 сая долларын зээлийн гэрээ хийжээ.

Түүнийг өгч буй мэдээллээр уг мөнгийг Д.Дагвадоржийн банк болох ҮХОБ-аар дамжуулан оруулж ирсэн боловч мөнгө бүтнээрээ Д.Дагвадоржийн хувийн данс руу шилжсэн, өөрөөр хэлбэл захиран зарцуулалтыг Д.Дагвадорж хийсэн байдаг аж.

А.Эрдэнэбат нь "Зээлийн гэрээг нэр дээрээ хийсэн миний бие ганц ч долларыг захиран зарцуулалгүй, миний хувийн дансанд нэг ч доллар шилжин орж ирээгүй. Гэтэл Хуан Ёу Лун 10 сая доллараа 15 сая доллар болгон надаас нэхэмжилж эхэлсэн тул энэ хэргийг би хуйвалдааны, залилангийн шинжтэй хэмээн үзэж Монголын хууль хяналтын байгууллагад хандан, энэ хэрэг одоо шалгагдаж байна.

Гэтэл, Дагвадорж дээрх мөнгийг өөрийн дансанд шилжүүлэн авч ашигласан атлаа өөрөө хохирсон хохирогч болж хууль цагдаад хандаж, намайг залилагч мэт болгож худал мэдээлэл тараасаар тодорхой цаг хугацаа өнгөрлөө. Аливаад хэмжээ хязгаараас гадна үнэн гэж бий! Энэ шударга бус үйлдлийг би арбитрийн шүүхэд өгсөн." хэмээсэн юм.

Харин Их аварга маань ийм бусармаг зүйл хийгээгүй гэдгээ дуулгаад байна.

Д.Үржинбадам

Эх сурвалж: http://www.TODAY.mn

http://today.mn/p/17243

А.Эрдэнэбат: Д.Дагвадорж 10 сая ам.доллар залилсан

"Live energy" уул уурхайн компанийн захирал А.Эрдэнэбат хэвлэлийнхэнд мэдээлэл хийлээ. Тэрбээр сумогийн их аварга Д.Дагвадорж төслийнх нь 10 сая ам.долларыг өөрийн хувийн данс руу шилжүүлж, завшсан боловч өөрийгөө хохирогч мэтээр хэвлэл, мэдээллийн хэрэгслээр тарааж байна гэлээ. Тиймээс энэ хэргийг шалгуулахаар Арбитрын шүүхэд хандсан гэдгээ хэлсэн юм.

Тэрбээр “Би долоон жилийн өмнө их аварга Д.Дагвадорж, Д.Сумъяабазар, Үндэсний хөрөнгө оруулалтын банкны ТУЗ-ийн дарга Б.Баярсайхан нартай холбогдсон. Манай төсөл дээр нэмэлт хөрөнгө оруулалт хийх хөрөнгө оруулагчдыг Д.Дагвадорж, Д.Сумъяабазар нар надад танилцуулсан. Тэр хөрөнгө оруулагч нь БНХАУ-ын иргэн Хуан Ёу Лун байсан. Хуан Ён Лунгийн эхнэрийг монголчууд Хуан жү гэг гэх нэрээр нь танина. Ингээд бидний хэрэгжүүлж байсан төсөл дээр нэмэлт хөрөнгө оруулалт хийхээр Хуан Ёу Лун А.Эрдэнэбат миний нэр дээр 10 сая ам.долларын зээлийн гэрээ хийсэн. Энэ мөнгийг Д.Дагвадоржийн банк болох Үндэсний хөрөнгө оруулалтын банкаар дамжуулан оруулж ирсэн. Гэсэн ч Д.Дагвадоржийн хувийн данс руу шилжсэн. Ингээд захиран зарцуулалтыг Д.Дагвадорж хийсэн. Миний бие ганц ч ам.доллар аваагүй. Гэтэл хөрөнгө оруулагч болох Хуан Ёу Лун 10 сая ам.доллараа 15 сая ам.доллар болгон надаас нэхэмжилсэн. Энэ хэргийг би хуйвалдааны, залилангийн шинжтэй хэмээн үзэж Монголын хууль хяналтын байгууллагад хандан, энэ хэрэг одоо шалгагдаж байгаа” гэлээ.

Мөн тэрбээр энэ хэргийг Арбитрын шүүхээр шалгуулахаар өгсөн гэсэн юм.

Түүний мэдээлж буйгаар гэрээнд хоёр тал маргаан үүсгэвэл Монголын шүүхээр бус Хонконгийн Арбитрын шүүхээр шийдвэрлэнэ гэж заасан гэлээ. Ингээд Арбитрын шүүхэд ханджээ. Харин Арбитрын шүүхэд хандсаны дараагаас Д.Дагвадорж аварга өөрийгөө хохирогч мэтээр хэвлэлээр гарах болсон гэж мэдээллээ. Тиймээс энэ асуудлыг шийдвэрлүүлэхийн тулд дараагийн ээлжид Хонконгийн хэвлэл, мэдээллийн хэрэгсэлд ч хандана гэдгээ хэлсэн юм.

Бид мэдээллийг тэнцвэртэй байлгах үүднээс Д.Дагвадорж аваргатай холбогдох гэсэн боловч утас нь холбогдох боломжгүй байсан юм. Харин твиттер хуудсандаа ингэж бичжээ.


Харин энэ асуудалд нэр нь холбогдсон УИХ-ын гишүүн Д.Сумъяабазар “Би энэ асуудлыг мэдэхгүй. Сонгууль дөхсөн болохоор намайг ийм асуудалд холбогдуулж байгаа юм байлгүй. Надад хамаагүй” гэлээ.

Ямартай ч А.Эрдэнэбат “Энэ мэдээлэл бол хүний нэр төрд халдаагүй, баталгаа, нотолгоотой хэмээн баримт бичгийг үзүүлж байлаа. Гэвч тэрбээр хурлын дараа хэвлэлийнхний асуултад хариулахыг хүссэнгүй. “Мөрдөн байцаалтын ажиллагаа үргэлжилж байгаа учраас хамаагүй мэдээлэл хийж болохгүй” хэмээн элдэв тайлбар хэлэхээс зугтан, цагдаагийн хамгаалалтан дор хурлын танхимаас гарч явсан юм.

Хэвлэлийн хурал зарлан сенсаци дэгдээгээд буй Амалхааны Эрдэнэбат нь “Монгол тулгатны 100 эрхэм” нэвтрүүлгийн хөтлөгч П.Анужингийн нөхөр юм. П.Анужинг нөхрөө хаясан гэж шуугиад байгаа ч гэр бүлийн хоёрын хэн хэн нь албан ёсоор салсан эсэх талаар ярихгүй байгаа билээ.

Харин Амалхааны Эрдэнэбатыг нэлээд паянтай эр хэмээн хүрээллийнх нь хүмүүс ярилцдаг. Тэрбээр одоогоос 4-5 жилийн өмнө Б,Э гэгч залуустай хөрөнгө оруулалтын гэрээ байгаалан дөрвөн сая ам.долларын зээл авахуулчихаад мөнгийг нь хувьдаа завшсан гэх мэдээлэл цагагдаж байв. Тэдгээр залуусаас дараа нь дахин нэг сая ам.доллар шаардан рекетлэснийхээ төлөө цагдаад шалгагдаж байжээ. Энэ бүх хэргээс түүнийг өмгөөлөн авч үлдэж байсан хүн нь өмгөөлөгч Б.Батзаяа аж. Б.Батзаяа нь А.Эрдэнэбатын баз хүргэн бөгөөд хөрөнгө мөнгө завшсан, завшсан мөнгөө авлига, хээл хахуульд өгсөн бүх хэргийг нь хаацайлан хамгаалдаг гэхчилэн таагүй мэдээллүүд цахим ертөнцөөр дүүрэн байна.

http://www.news.mn/content/240092.shtml

[last_mogican]

Цуврал-93

"Сүхбаатарчууд үнэнийг мэдэх эрхтэй" буюу гэнэт баяжсан Ж.Батсуурийн тухай ингэж бичиж байжээ

доогоос хэдэн жилийн өмнө Сүхбаатар аймгийн уугуул, чөлөөт сэтгүүлч Сундуйн Мөнхжаргал агсан "Сүхбаатарчууд Ж.Батсуурийн талаар үнэнийг мэдэх эрхтэй" гэсэн гарчигтай нийтлэл бичиж байжээ.

Тэрбээр, Сүхбаатарчуудын эдлэх ёстой эрхүүдийн нэг нь, магадгүй хамгийн чухал нь мэдэх эрх, эрх чөлөө гэдгийг сануулахын учир үүнийг бичив. Тэд үнэнийг мэдэх эрхтэй, бас хэрэгтэй. Иргэн миний бие "Засаг дарга Ж.Батсуурь авлигын гэмт хэрэг өдүүлсэн байж болзошгүй" гэдэг үндэслэлээр түүнийг шалгуулахаар Авлигатай тэмцэх газарт 2012 оны гуравдугаар сард хандсан юм. Үүнийг хэн нэгний захиалгаар хийсэн мэтээр Ж.Батсуурь Та нэгэн сонинд нийтлүүлсэн ярилцлагадаа ташаарчээ. Үнэнийг мөнгөөр бичдэггүй юм. Тэр тусмаа С.Мөнхжаргал миний бие "Сүхбаатарын зам" сонинд сэтгүүлчээр ажиллаж эхэлснээс хойш 20 шахам жил үзэг цаас нийлүүлэхдээ хэн нэгний захиалга зараалаар, хөлслөгдөн өгүүлбэр тавих нь байтугай цэг хатгаж үзээгүй гэдгийг уг нь Та гадарлах учиртай.

Гагцхүү үнэнийг л олон түмэнд хүргэх, мэдээлэлтэй иргэд, ил тод, нээлттэй засаг л ардчиллын мөн чанар гэсэн итгэл үнэмшлээр бичиж ирсэн минь энэ мэтийн ардчилсан багтай зальт этгээдүүдийг засгийн эрхэнд залахад дэм тус болсонд гүнээ харамсч сууна. "Сүхбаатарын зам" сонин тэртээ он жилүүдэд аймгийн Засаг даргын мэдэлд, түүний төсвөөс санхүүждэг байсан ч бид Засаг дарга Б.Чойжилсүрэн, түүний Тамгын газар, сумдын Засаг дарга нарыг "зад" шүүмжилж чаддаг байв. Үүнийг гэрчлэх сонинууд өдгөө аймгийн Тамгын газрын архивт хадгалаастай бий. Орж үз, харин бүү устгачихаарай даа. Хэрвээ өнөөдөр Засаг даргын мэдэлд сонин байгаад, сэтгүүлч нь Засаг даргын талаар сөрөг мэдээлэл бичвэл юу болох бол. Лавтай сайн юм болохгүй гэдгийг л сайн мэдэж байна.

Хүмүүс 1990- ээд оноос өмнөхийг, хуучнаа санагалзаад байгаа нь тэдний буруу биш. Өнөөдрөөс илүү амар амгалан, шударга, итгэл үнэмшилтэй байсанд л шалтгаан нь оршиж буй юм шүү. Хэн нэгний захиалгаар хууль, хяналтын байгууллагад хэн нэгнийг өгдөг "мангуу толгой" биш гэдгээ дахин сануулахын сацуу мэдэх эрхийнхээ дагуу Засаг дарга Ж.Батсуурь таны өдүүлсэн байж болзошгүй хэргийн зах зухаас хүргэж байна.

Сүхбаатарчууд үнэнийг мэдэх эрхтэй!!!

1.Төмөртэйн цайрын ордод үйл ажиллагаа явуулдаг Монгол-Хятадын хамтарсан "Цайрт минерал" ХХК-иас татварт 2000000000 (Хоёр тэрбум) төгрөг авч бүтээн байгуулалтад зарцуулж байгаа тухай мэдээлэл 2009 онд гарч байсан бол нэг тэрбум 500 саяыг татварт авдаг гэж Засаг дарга хэлжээ. 500 сая төгрөг хаачив?

2.Мөн "Цайрт минераль" компани 200000000 (Хоёр зуун сая) төгрөгийг 2011 оны II улиралд Засаг даргад өгөхдөө "Жавхлант" бөхийн дэвжээ, "Жавхлант шарга" сэтгүүл зэрэг сүхбаатарчуудын санаачлагаар байгуулагдсан төрийн бус байгууллагуудад дэмжлэг болгож буйгаа мэдэгдсэн байна. Тэр мөнгө эзэддээ очилгүй хэний халаасанд орсон бэ?

3.Мөнххаан сумын нутагт орших Гөлтгөний ордыг хятадуудад өгөхөөр тохиролцон 710000000 (Долоон зуун арав) сая төгрөгийн хохирол учруулсан гэх үйлдэл болон уг ордын 50 хувийг өөрт шилжүүлэх хууль бус саналыг эзэмшигч компанид тавьж байсан тухай мэдээлэл хэвлэл үүдэд гарч байсан. Та хэвлэлд өгсөн ярилцлагадаа, Мөнххааны нутагт гөлтгөний орд байхгүй гээд Бүрэнцогтын уурхайг орон нутгийн мэдэлд авч ИТХ-ын төлөөлөгч Ай.Төмөр-Очирт хариуцуулсан гэжээ. Үнэн үгтний амыг хамхих гэсэн Засаг даргын санааг сүхбаатарчууд мэдэхийн дээдээр мэдэж байгаа.

Энэ уурхайтай холбоотой баримт бичиг Мөнххаан сумын Засаг дарга, ИТХ-д огт байдаггүй, тэд энэ талаар ямар ч мэдээлэлгүй байгааг юу гэж ойлгох вэ. Орон нутгийн өмчит уурхайн Удирдах зөвлөлд таны төрсөн ах Ж.Батмөнх, монгол нэртэй хятад хүн байдаг тухай мэдээлэл ч байна. Яг өнөөдрийн байдлаар Бүрэнцогтын уурхайд 32 хятад хүн ажиллаж байна.

4.Сүхбаатар аймгийн Эрдэнэцагаан сумын нутагт орших Асган толгой хэмээх газарт Хятадын компанид их хэмжээний газар түрээсээр өгсөн үйлдэл нь хууль зөрчсөн болохыг шүүх тогтоосон ч шүүхийн шийдвэрийг биелүүлэлгүй өнөөдрийг хүрлээ. Яагаад? Хятадуудаас мөнгө аваад тэднийхээ барьцаанд орсон уу?

5.Мөн сумын нутаг Нүхт дэх гянт болдын ор дыг Монголын нэгэн томоо хон компанид өгч, хариуд нь шан харамж авсан байж болзошгүй байна. Учир нь ордыг ашиглуулах шийдвэрийг аймгийн ИТХ-ын тэргүүлэгчдээс шууд гаргуулан, сүүлд нь сумын ИТХ аргагүйн эрхэнд шахалтаар шийдвэр гаргасан зэрэг нь Танд тэрхүү ордыг худалдах сонирхол их байжээ гэж хэлэхэд хүргээд байна. Дашрамд сануулахад, 2005-2006 онд Нүхт орчимд нэгэн ордыг нэгэн компанид олгох шийдвэрийг танай намын нөхөд гаргуулж, их хэмжээний мөнгө авсан тухай Та нар саяхныг хүртэл ярилцдаг байсан билээ.

6.Баруун-Урт сумын иргэн Н.Батболдын хууль ёсны лицензтэй газрыг булаан авч, "Жавхлант" компанид өгч шан харамж авсан гэх мэдээлэл байна. Бүхий л шатны шүүх Засаг даргын энэхүү үйлдэл хууль зөрчсөн болохыг тогтоосон ч шүүхийн шийдвэрийг биелүүлэлгүй "луу унжсаар" байгаагийн шалтгаан нь бас л мөнгө үү? Аймгийн төвийн А зэрэглэлийн газрыг үнэ төлбөргүй олгосон нь үнэн бол иргэн би хууль ёсоор үнэгүй өмчлөх 0.5 га газраа Баруун-Уртад авахыг хүсч байна. "Жавхлант" компанид өгсөн газраа булааж аваад иргэн надад өгч болохгүй юу?

7. Иргэн н.Энхбаатар нарын хууль ёсны орон байрыг хүчээр буулгасан нь хууль бус болохыг тогтоосон ч шүүхийн шийдвэрийг үл биелүүлсэн. Хууль ёсны үл хөдлөх хөрөнгийн гэрчилгээтэй байрыг ямар нэгэн зөвшөөрөлгүй байсан мэтээр хэвлэлүүдээр удаа дараа мэдэгдэж байгаад чинь гайхах юм.

Долоо байтугай нэг иргэний газрыг дээрэмдэж авах эрх мэдэл Засаг даргад байхгүй. Тэр тусмаа либерал чиг баримжаатай гэх Ардчилсан намын дарга хүний эрх, эрх чөлөө бүхний дээр гэдгийг мэддэггүй юу, эсвэл намын үзэл баримтлал гэх нь хоосон тунхаг юм уу. Хамгийн аймшигтай нь байраа буулгуулахгүй гэхдээ хаалгаа дарж зогссон балчирхан хүүхдийг цагдаа авч чулуудчихаад гэрийг нь нураахыг монголчууд цэнхэр дэлгэцээр харсан.

Хэрвээ арав, хорин жилийн дараа тэр хүүхэд Засаг даргын хоёр давхар, 200 метр квадрат хаусыг буулгаад хаячихвал яах вэ? Шийтгэх үү, шагнах уу. Ирээдүй хойчоо ингэж хүмүүжүүлж байгаагаа ойлгох ухаан алга уу.

8.2008 оны УИХ-ын сонгуульд "Монос"-ын Л.Эрдэнэчимэгийг нэр дэвшүүлснийхээ хариуд 60 сая төгрөг авч хаус барьж байгаа тухай мэдээлэл тухайн үед тарж байсан. Тэгвэл Баруун-Урт хотын төвд орон сууцны зориулалтаар "Монос" компанид газар олгох шийдвэрийг гаргасан нь албан тушаалаа урвуулан ашигласан хэрэг биш үү.

Эмийн компани яагаад орон сууцны барилга барих болов, бас "Монос"-ын Л.Эрдэнэчимэг Сүхбаатарт орон сууц барьж буян үйлдэж буй мэтээр олон түмний тархийг эргүүлж байгааг юу гэж ойлгох вэ. Аймгийн төвийн хамгийн ашигтай байрлалыг мөнгө, эрх мэдлийн хэлхээ холбоогоо ашиглан авчихаад өндөр үнэтэй орон сууц барьж, сүхбаатарчуудыг өрөнд унагаж буйгаа мэдэлгүй сонгуулийн сурталчил гаандаа ашиглах нь зохистой гэж үү. Орон сууц барьж түрийвчээ зузаалаад ханалгүй улстөрийн ашиг хонжоо хайх нь хэтэрхий шунасан хэрэг болно.

Мөн 2008 оны сонгуулиар ашиглалтад оруулан шоудаж байсан "Монос" компанийн байрыг Засаг дарга Ж.Батсуурь худалдан авсан гэх мэдээлэл байна. Ямар үнээр, ямар эх үүсвэрээр худалдан авсан, яагаад заавал "Монос"-ын барилгыг авах болов, дээр дурдсанаар нэр дэвшүүлэлт, хаус, орон сууцны газар олголт гэх мэтээр ханцуй дотроо наймаалцсаар байх уу?

9. Ер нь яагаад Сүхбаатарын биш гадны, мөнгөтэй хүмүүсийг Ардчилсан нам дэвшүүлдэг болов, сүүлийн үед. 2008 онд "Монос"-ын Л.Эрдэнэчимэгийг нэр дэвш үүлсэн. Энэ удаа "Бодь" группын ерөнхийлөгч М.Зоригтын нэр гараад чамгүй удлаа.

Аавынхаа амьд мэндэд нутгаар нь нэг ч үзэгдээгүй хүн гэнэт "нутгаа санаж", бүр намаа орхин (ИЗН-ын ерөнхий нарийн бичгийн дарга байсан) Ардчилсан намаас нэр дэвших болсон нь Засаг даргын хорон санаа юу? 2008 оны сонгуулийг Л.Эрдэнэчимэгээр "даалгаж" Засаг дарга болсон Ж.Батсуурь 2012 оны сонгуулийг М.Зоригтын мөнгөөр хийх нь ээ гэлцэж байна. Үнэн л гэж бодогдоно.

10. Хөрөнгө орлогын мэдүүлгийг чинь үзвэл Голомт банкинд 850 сая төгрөгийн өртэй гэжээ. Тийм атал Голомт банкны толгой групп болох "Бодь"-ийн ерөнхийлөгч М.Зоригтыг УИХ-д нэр дэвшүүлэхээр үйлчлээд байгаа чинь эрх ашгийн маш том зөрчил гэдгийг сануулъя.

Бүр Голомт банкны зээлийн барьцаанд Сүхбаатарчуудын саналыг тавьсан юм биш үү гэж бодож болохоор байна. Мөн Ардчилсан намын ҮЗХ-ны гишүүний суудлаа М.Зоригтод өгөхдөө ямар тохиролцоо хийсэн бол гэх асуулт ч өөрийн эрхгүй гарна.

11. Сүхбаатар аймгийн Соёлын ордны барилгыг "Бодь" групп кино театр болгож буй тухай мэдээ үргэлж шахам цацагдах боллоо. Энэ чинь зүгээр л бизнес шүү дээ. Л.Эрдэнэчимэг барилга барьж мөнгө олж байгаатай л адил.

Гэтэл их л сайхан зүйл бүтээж буй мэтээр сурталчилж, Монголдоо гуравдугаарт орох театрт ч гэх шиг ярих болов. Засаг дарга яагаад "Бодь"-ийн кино театрыг сурталчлах болов. Харин ч энэ барилгыг, газрыг яагаад "Бодь" групп авав, ямар нэгэн сонгон шалгаруулалт болсон уу гэдгийг шалгаад үзэхэд гэмгүй.

12. Хөрөнгө орлогоо зөрүү, буруу мэдүүлсэн гэх мэдээ лэл сүүлийн үед цацагдаж байна. "Датуком" гэдэг компанийн хувь эзэмшдэгээ нуусан л гэнэ. Тийм гэдэгт эргэлзэхгүй байна. Ямар нэгэн компани, бизнесгүй хүн дөрвөн жилд хагартлаа баяжиж, нийслэлийн А бүсэд шинэ байрны нэг давхрыг бүхэлд нь худалдан авч чадах уу?

Энэ мэт авлигын гэмт хэрэг өдүүлсэн байж болох баримт, сэлт олныг жагсааж болохоор байна. Бүр Авлигатай тэмцэх газраас шалгахаар очсон мөрдөн байцаагчдыг "зөөлрүүлэх" санаатай Ардчилсан намын аппаратад ажилладаг нэг эмэгтэйн нөхөр цагдаагийн ажилтан байсан залууг "хөлсөлсөн" тухай мэдээлэл ч сонсдож байна.

"Засаг дарга өмгөөлөгч Ц-ийн машинд бензин хийж өгч байна". Хүмүүс ингэж ярьж байна. Сүхбаатар аймаг жижигхэн шүү дээ, юу ч нуух аргагүй. Тэгээд ч Сүхбаатарчууд үнэнийг мэдэх эрхтэй.

Эцэст нь, албан тушаалаа гагцхүү амин хувийн ашиг сонирхлоор хөтлөн гараасаа илүү амаа хөдөл гөгч, хээл хахуулийн торонд орооцолдон, хүний эрх эрх чөлөө, үндэсний эрх ашгийг умартагч, ардчилсан, бүтээгч дүртэй Засаг дарга Ж.Батсуурь нарыг шударга ёс, үнэний өмнө бөхийлгөхийн төлөө үзгээ түр хойш тавин тэмцэх болсноо мэдэгдье.

Шударга ёс, үнэнийг чин сэтгэлээс хүсэгч иргэн С.МӨНХЖАРГАЛ" хэмээжээ.

Эх сурвалж: Unen.mn 2012-5-22

http://www.zuvsongolt.mn/page/newsmore/626

[Шаазгай]

Хулгайч Баттулгад хэргийг нь даруй хүлээлгэж МУ-д учруулсан хохирлыг нь барагдуулаад бондны төлбөрөө хийж эхлэх хэрэгтэй байна даа.
Сая зээлсэн 750 сая доллар 70 саяын төлбөр төлөөд төсвийн цоорхойг нөхөөд л таарах юм уу? Тэндээс бондны төлбөрт нэмэрлэх болов уу?

[cellat]

Narahnkhuu, Battulga 2-iig dahij ulsiin ih hurald songood demii. ugaasaa huraldaa suudaggui shd.

[last_mogican]

Цуврал-94

Говь-Алтайн дарга нарыг АТГ шалгаж эхэлжээ

Албан бус эх сурвалжийн мэдээгээр Говь-Алтай аймгийн удирдлагуудыг АТГ орон нутгийнаа аж ахуйн нэгжүүдийг дарамталж, мөнгө нэхсэн гэх асуудлаар шалгаж эхэлсэн бололтой.

Тус аймгийн Иргэдийн хурлын дарга А.Дэлгэржаргал, Есөнбулаг сумын Засаг дарга Ж.Ганбат, Бигэр сумын Засаг дарга Б.Энхтүвшин нарын хүмүүс Эрүүгийн хуулийн 263 дугаар зүйл анги буюу төрийн албан тушаалтан албан тушаалын эрх мэдэл, албан тушаалын байдлаа урвуулан ашиглаж, үүний улмаас бусдад их хэмжээний хор хохирол учруулсан хэргээр Авлигатай тэмцэх газарт шалгаж байгаа гэнэ.

Б.БАТ

http://www.news.mn/content/240172.shtml

[cellat]

Цуврал-92

Их аварга Дагвадорж Арбитрт дуудагдах уу?

Мэргэжлийн сумогийн 68 дахь их аварга, Монгол Улсын хөдөлмөдийн баатар Д.Дагвадорж 10 сая доллар хувьдаа завшсан асуудлаар Арбитрт дуудагдаж магадгүй байна.

Учир нь "Live energy" уул уурхайн компанийн захирал А.Эрдэнэбат өнөөдөр мэдээлэл хийж, түүнийг шалгуулахаар Олон улсын шүүхэд хандсан талаараа дуулгалаа. Тэрбээр БНХАУ-ын иргэн Хүан Ёү Лун өөрөөс нь 15 сая доллар нэхэмжилж байгаа асуудлыг хөндсөн бөгөөд энэ мөнгийг сумогийн их аварга Д.Дагвадорж хамаарах хүмүүстэйгээ залилан авсан байх магадлалтайг хэлсэн юм.

Тодруулбал, А.Эрдэнэбат нь хэдэн жилийн өмнө аварга Д.Дагвадорж, Д.Сумъяабазар, Үндэсний Хөрөнгө Оруулалтын Банкны ТУЗ-ын дарга Б.Баярсайхан нартай холбогдож, төслүүд дээрээ нэмэлт хөрөнгө оруулалт хийх, хөрөнгө оруулагчтайгаа танилцсан байна.

Их аваргын танилцуулсан тэрхүү хөрөнгө оруулагч нь БНХАУ-ын иргэн Хүан Ёү Лун буюу бидний мэдэх Жао вэй буюу "Хуан жү гэг" ийн нөхөр байсан бөгөөд А.Эрдэнэбатын нэр дээр 10 сая долларын зээлийн гэрээ хийжээ.

Түүнийг өгч буй мэдээллээр уг мөнгийг Д.Дагвадоржийн банк болох ҮХОБ-аар дамжуулан оруулж ирсэн боловч мөнгө бүтнээрээ Д.Дагвадоржийн хувийн данс руу шилжсэн, өөрөөр хэлбэл захиран зарцуулалтыг Д.Дагвадорж хийсэн байдаг аж.

А.Эрдэнэбат нь "Зээлийн гэрээг нэр дээрээ хийсэн миний бие ганц ч долларыг захиран зарцуулалгүй, миний хувийн дансанд нэг ч доллар шилжин орж ирээгүй. Гэтэл Хуан Ёу Лун 10 сая доллараа 15 сая доллар болгон надаас нэхэмжилж эхэлсэн тул энэ хэргийг би хуйвалдааны, залилангийн шинжтэй хэмээн үзэж Монголын хууль хяналтын байгууллагад хандан, энэ хэрэг одоо шалгагдаж байна.

Гэтэл, Дагвадорж дээрх мөнгийг өөрийн дансанд шилжүүлэн авч ашигласан атлаа өөрөө хохирсон хохирогч болж хууль цагдаад хандаж, намайг залилагч мэт болгож худал мэдээлэл тараасаар тодорхой цаг хугацаа өнгөрлөө. Аливаад хэмжээ хязгаараас гадна үнэн гэж бий! Энэ шударга бус үйлдлийг би арбитрийн шүүхэд өгсөн." хэмээсэн юм.

Харин Их аварга маань ийм бусармаг зүйл хийгээгүй гэдгээ дуулгаад байна.

Д.Үржинбадам

Эх сурвалж: http://www.TODAY.mn

http://today.mn/p/17243

А.Эрдэнэбат: Д.Дагвадорж 10 сая ам.доллар залилсан

"Live energy" уул уурхайн компанийн захирал А.Эрдэнэбат хэвлэлийнхэнд мэдээлэл хийлээ. Тэрбээр сумогийн их аварга Д.Дагвадорж төслийнх нь 10 сая ам.долларыг өөрийн хувийн данс руу шилжүүлж, завшсан боловч өөрийгөө хохирогч мэтээр хэвлэл, мэдээллийн хэрэгслээр тарааж байна гэлээ. Тиймээс энэ хэргийг шалгуулахаар Арбитрын шүүхэд хандсан гэдгээ хэлсэн юм.

Тэрбээр “Би долоон жилийн өмнө их аварга Д.Дагвадорж, Д.Сумъяабазар, Үндэсний хөрөнгө оруулалтын банкны ТУЗ-ийн дарга Б.Баярсайхан нартай холбогдсон. Манай төсөл дээр нэмэлт хөрөнгө оруулалт хийх хөрөнгө оруулагчдыг Д.Дагвадорж, Д.Сумъяабазар нар надад танилцуулсан. Тэр хөрөнгө оруулагч нь БНХАУ-ын иргэн Хуан Ёу Лун байсан. Хуан Ён Лунгийн эхнэрийг монголчууд Хуан жү гэг гэх нэрээр нь танина. Ингээд бидний хэрэгжүүлж байсан төсөл дээр нэмэлт хөрөнгө оруулалт хийхээр Хуан Ёу Лун А.Эрдэнэбат миний нэр дээр 10 сая ам.долларын зээлийн гэрээ хийсэн. Энэ мөнгийг Д.Дагвадоржийн банк болох Үндэсний хөрөнгө оруулалтын банкаар дамжуулан оруулж ирсэн. Гэсэн ч Д.Дагвадоржийн хувийн данс руу шилжсэн. Ингээд захиран зарцуулалтыг Д.Дагвадорж хийсэн. Миний бие ганц ч ам.доллар аваагүй. Гэтэл хөрөнгө оруулагч болох Хуан Ёу Лун 10 сая ам.доллараа 15 сая ам.доллар болгон надаас нэхэмжилсэн. Энэ хэргийг би хуйвалдааны, залилангийн шинжтэй хэмээн үзэж Монголын хууль хяналтын байгууллагад хандан, энэ хэрэг одоо шалгагдаж байгаа” гэлээ.

Мөн тэрбээр энэ хэргийг Арбитрын шүүхээр шалгуулахаар өгсөн гэсэн юм.

Түүний мэдээлж буйгаар гэрээнд хоёр тал маргаан үүсгэвэл Монголын шүүхээр бус Хонконгийн Арбитрын шүүхээр шийдвэрлэнэ гэж заасан гэлээ. Ингээд Арбитрын шүүхэд ханджээ. Харин Арбитрын шүүхэд хандсаны дараагаас Д.Дагвадорж аварга өөрийгөө хохирогч мэтээр хэвлэлээр гарах болсон гэж мэдээллээ. Тиймээс энэ асуудлыг шийдвэрлүүлэхийн тулд дараагийн ээлжид Хонконгийн хэвлэл, мэдээллийн хэрэгсэлд ч хандана гэдгээ хэлсэн юм.

Бид мэдээллийг тэнцвэртэй байлгах үүднээс Д.Дагвадорж аваргатай холбогдох гэсэн боловч утас нь холбогдох боломжгүй байсан юм. Харин твиттер хуудсандаа ингэж бичжээ.


Харин энэ асуудалд нэр нь холбогдсон УИХ-ын гишүүн Д.Сумъяабазар “Би энэ асуудлыг мэдэхгүй. Сонгууль дөхсөн болохоор намайг ийм асуудалд холбогдуулж байгаа юм байлгүй. Надад хамаагүй” гэлээ.

Ямартай ч А.Эрдэнэбат “Энэ мэдээлэл бол хүний нэр төрд халдаагүй, баталгаа, нотолгоотой хэмээн баримт бичгийг үзүүлж байлаа. Гэвч тэрбээр хурлын дараа хэвлэлийнхний асуултад хариулахыг хүссэнгүй. “Мөрдөн байцаалтын ажиллагаа үргэлжилж байгаа учраас хамаагүй мэдээлэл хийж болохгүй” хэмээн элдэв тайлбар хэлэхээс зугтан, цагдаагийн хамгаалалтан дор хурлын танхимаас гарч явсан юм.

Хэвлэлийн хурал зарлан сенсаци дэгдээгээд буй Амалхааны Эрдэнэбат нь “Монгол тулгатны 100 эрхэм” нэвтрүүлгийн хөтлөгч П.Анужингийн нөхөр юм. П.Анужинг нөхрөө хаясан гэж шуугиад байгаа ч гэр бүлийн хоёрын хэн хэн нь албан ёсоор салсан эсэх талаар ярихгүй байгаа билээ.

Харин Амалхааны Эрдэнэбатыг нэлээд паянтай эр хэмээн хүрээллийнх нь хүмүүс ярилцдаг. Тэрбээр одоогоос 4-5 жилийн өмнө Б,Э гэгч залуустай хөрөнгө оруулалтын гэрээ байгаалан дөрвөн сая ам.долларын зээл авахуулчихаад мөнгийг нь хувьдаа завшсан гэх мэдээлэл цагагдаж байв. Тэдгээр залуусаас дараа нь дахин нэг сая ам.доллар шаардан рекетлэснийхээ төлөө цагдаад шалгагдаж байжээ. Энэ бүх хэргээс түүнийг өмгөөлөн авч үлдэж байсан хүн нь өмгөөлөгч Б.Батзаяа аж. Б.Батзаяа нь А.Эрдэнэбатын баз хүргэн бөгөөд хөрөнгө мөнгө завшсан, завшсан мөнгөө авлига, хээл хахуульд өгсөн бүх хэргийг нь хаацайлан хамгаалдаг гэхчилэн таагүй мэдээллүүд цахим ертөнцөөр дүүрэн байна.

http://www.news.mn/content/240092.shtml

Dagvadorj AH-iinh biluu?

[td_davka]

Цуврал-92

Их аварга Дагвадорж Арбитрт дуудагдах уу?

Мэргэжлийн сумогийн 68 дахь их аварга, Монгол Улсын хөдөлмөдийн баатар Д.Дагвадорж 10 сая доллар хувьдаа завшсан асуудлаар Арбитрт дуудагдаж магадгүй байна.

Учир нь "Live energy" уул уурхайн компанийн захирал А.Эрдэнэбат өнөөдөр мэдээлэл хийж, түүнийг шалгуулахаар Олон улсын шүүхэд хандсан талаараа дуулгалаа. Тэрбээр БНХАУ-ын иргэн Хүан Ёү Лун өөрөөс нь 15 сая доллар нэхэмжилж байгаа асуудлыг хөндсөн бөгөөд энэ мөнгийг сумогийн их аварга Д.Дагвадорж хамаарах хүмүүстэйгээ залилан авсан байх магадлалтайг хэлсэн юм.

Тодруулбал, А.Эрдэнэбат нь хэдэн жилийн өмнө аварга Д.Дагвадорж, Д.Сумъяабазар, Үндэсний Хөрөнгө Оруулалтын Банкны ТУЗ-ын дарга Б.Баярсайхан нартай холбогдож, төслүүд дээрээ нэмэлт хөрөнгө оруулалт хийх, хөрөнгө оруулагчтайгаа танилцсан байна.

Их аваргын танилцуулсан тэрхүү хөрөнгө оруулагч нь БНХАУ-ын иргэн Хүан Ёү Лун буюу бидний мэдэх Жао вэй буюу "Хуан жү гэг" ийн нөхөр байсан бөгөөд А.Эрдэнэбатын нэр дээр 10 сая долларын зээлийн гэрээ хийжээ.

Түүнийг өгч буй мэдээллээр уг мөнгийг Д.Дагвадоржийн банк болох ҮХОБ-аар дамжуулан оруулж ирсэн боловч мөнгө бүтнээрээ Д.Дагвадоржийн хувийн данс руу шилжсэн, өөрөөр хэлбэл захиран зарцуулалтыг Д.Дагвадорж хийсэн байдаг аж.

А.Эрдэнэбат нь "Зээлийн гэрээг нэр дээрээ хийсэн миний бие ганц ч долларыг захиран зарцуулалгүй, миний хувийн дансанд нэг ч доллар шилжин орж ирээгүй. Гэтэл Хуан Ёу Лун 10 сая доллараа 15 сая доллар болгон надаас нэхэмжилж эхэлсэн тул энэ хэргийг би хуйвалдааны, залилангийн шинжтэй хэмээн үзэж Монголын хууль хяналтын байгууллагад хандан, энэ хэрэг одоо шалгагдаж байна.

Гэтэл, Дагвадорж дээрх мөнгийг өөрийн дансанд шилжүүлэн авч ашигласан атлаа өөрөө хохирсон хохирогч болж хууль цагдаад хандаж, намайг залилагч мэт болгож худал мэдээлэл тараасаар тодорхой цаг хугацаа өнгөрлөө. Аливаад хэмжээ хязгаараас гадна үнэн гэж бий! Энэ шударга бус үйлдлийг би арбитрийн шүүхэд өгсөн." хэмээсэн юм.

Харин Их аварга маань ийм бусармаг зүйл хийгээгүй гэдгээ дуулгаад байна.

Д.Үржинбадам

Эх сурвалж: http://www.TODAY.mn

http://today.mn/p/17243

А.Эрдэнэбат: Д.Дагвадорж 10 сая ам.доллар залилсан

"Live energy" уул уурхайн компанийн захирал А.Эрдэнэбат хэвлэлийнхэнд мэдээлэл хийлээ. Тэрбээр сумогийн их аварга Д.Дагвадорж төслийнх нь 10 сая ам.долларыг өөрийн хувийн данс руу шилжүүлж, завшсан боловч өөрийгөө хохирогч мэтээр хэвлэл, мэдээллийн хэрэгслээр тарааж байна гэлээ. Тиймээс энэ хэргийг шалгуулахаар Арбитрын шүүхэд хандсан гэдгээ хэлсэн юм.

Тэрбээр “Би долоон жилийн өмнө их аварга Д.Дагвадорж, Д.Сумъяабазар, Үндэсний хөрөнгө оруулалтын банкны ТУЗ-ийн дарга Б.Баярсайхан нартай холбогдсон. Манай төсөл дээр нэмэлт хөрөнгө оруулалт хийх хөрөнгө оруулагчдыг Д.Дагвадорж, Д.Сумъяабазар нар надад танилцуулсан. Тэр хөрөнгө оруулагч нь БНХАУ-ын иргэн Хуан Ёу Лун байсан. Хуан Ён Лунгийн эхнэрийг монголчууд Хуан жү гэг гэх нэрээр нь танина. Ингээд бидний хэрэгжүүлж байсан төсөл дээр нэмэлт хөрөнгө оруулалт хийхээр Хуан Ёу Лун А.Эрдэнэбат миний нэр дээр 10 сая ам.долларын зээлийн гэрээ хийсэн. Энэ мөнгийг Д.Дагвадоржийн банк болох Үндэсний хөрөнгө оруулалтын банкаар дамжуулан оруулж ирсэн. Гэсэн ч Д.Дагвадоржийн хувийн данс руу шилжсэн. Ингээд захиран зарцуулалтыг Д.Дагвадорж хийсэн. Миний бие ганц ч ам.доллар аваагүй. Гэтэл хөрөнгө оруулагч болох Хуан Ёу Лун 10 сая ам.доллараа 15 сая ам.доллар болгон надаас нэхэмжилсэн. Энэ хэргийг би хуйвалдааны, залилангийн шинжтэй хэмээн үзэж Монголын хууль хяналтын байгууллагад хандан, энэ хэрэг одоо шалгагдаж байгаа” гэлээ.

Мөн тэрбээр энэ хэргийг Арбитрын шүүхээр шалгуулахаар өгсөн гэсэн юм.

Түүний мэдээлж буйгаар гэрээнд хоёр тал маргаан үүсгэвэл Монголын шүүхээр бус Хонконгийн Арбитрын шүүхээр шийдвэрлэнэ гэж заасан гэлээ. Ингээд Арбитрын шүүхэд ханджээ. Харин Арбитрын шүүхэд хандсаны дараагаас Д.Дагвадорж аварга өөрийгөө хохирогч мэтээр хэвлэлээр гарах болсон гэж мэдээллээ. Тиймээс энэ асуудлыг шийдвэрлүүлэхийн тулд дараагийн ээлжид Хонконгийн хэвлэл, мэдээллийн хэрэгсэлд ч хандана гэдгээ хэлсэн юм.

Бид мэдээллийг тэнцвэртэй байлгах үүднээс Д.Дагвадорж аваргатай холбогдох гэсэн боловч утас нь холбогдох боломжгүй байсан юм. Харин твиттер хуудсандаа ингэж бичжээ.


Харин энэ асуудалд нэр нь холбогдсон УИХ-ын гишүүн Д.Сумъяабазар “Би энэ асуудлыг мэдэхгүй. Сонгууль дөхсөн болохоор намайг ийм асуудалд холбогдуулж байгаа юм байлгүй. Надад хамаагүй” гэлээ.

Ямартай ч А.Эрдэнэбат “Энэ мэдээлэл бол хүний нэр төрд халдаагүй, баталгаа, нотолгоотой хэмээн баримт бичгийг үзүүлж байлаа. Гэвч тэрбээр хурлын дараа хэвлэлийнхний асуултад хариулахыг хүссэнгүй. “Мөрдөн байцаалтын ажиллагаа үргэлжилж байгаа учраас хамаагүй мэдээлэл хийж болохгүй” хэмээн элдэв тайлбар хэлэхээс зугтан, цагдаагийн хамгаалалтан дор хурлын танхимаас гарч явсан юм.

Хэвлэлийн хурал зарлан сенсаци дэгдээгээд буй Амалхааны Эрдэнэбат нь “Монгол тулгатны 100 эрхэм” нэвтрүүлгийн хөтлөгч П.Анужингийн нөхөр юм. П.Анужинг нөхрөө хаясан гэж шуугиад байгаа ч гэр бүлийн хоёрын хэн хэн нь албан ёсоор салсан эсэх талаар ярихгүй байгаа билээ.

Харин Амалхааны Эрдэнэбатыг нэлээд паянтай эр хэмээн хүрээллийнх нь хүмүүс ярилцдаг. Тэрбээр одоогоос 4-5 жилийн өмнө Б,Э гэгч залуустай хөрөнгө оруулалтын гэрээ байгаалан дөрвөн сая ам.долларын зээл авахуулчихаад мөнгийг нь хувьдаа завшсан гэх мэдээлэл цагагдаж байв. Тэдгээр залуусаас дараа нь дахин нэг сая ам.доллар шаардан рекетлэснийхээ төлөө цагдаад шалгагдаж байжээ. Энэ бүх хэргээс түүнийг өмгөөлөн авч үлдэж байсан хүн нь өмгөөлөгч Б.Батзаяа аж. Б.Батзаяа нь А.Эрдэнэбатын баз хүргэн бөгөөд хөрөнгө мөнгө завшсан, завшсан мөнгөө авлига, хээл хахуульд өгсөн бүх хэргийг нь хаацайлан хамгаалдаг гэхчилэн таагүй мэдээллүүд цахим ертөнцөөр дүүрэн байна.

http://www.news.mn/content/240092.shtml

Dagvadorj AH-iinh biluu?

zuragt uzej bai

[eRoTiKa]

AH-n gishvvn bolj Jencog heseg dagaj gvisen shd, odoo chuham yasiin bgan

[cellat]

Davga ch AH oirhon gedgiig medne gehdee gishuun bolson gedgiig ni medeeguin bna. Dolgorsuren zaan 2 namaa yalgaad yahav geed huuhduudee huvaagaad ogsiin biz dee hehe.

[last_mogican]

Цуврал-95

Төсвийн мөнгийг хамгийн сайн хулгайлдаг хүнийг дээш татдаг нь Ардчилсан намын бодлого уу

Сонгинохайрхан дүүргийн эрүүл мэндийн төвийн дарга Ш.Хажидмаа төрийн сангийн дансанд орох ёстой улсын мөнгөнөөс 71,553,464 төгрөгийг хувьдаа завшсан болох нь тогтоогдож, түүнийг АТГ оны өмнөхөн шалгаж байсан билээ. Мөн түүнийг уг хэрэгт буруутган Нийслэлийн эрүүл мэндийн газрын даргын тушаалаар албан ажлаас нь чөлөөлсөн байгаа.

Тэрбээр Сонгинохайрхан дүүргийн эрүүл мэндийн төвийн 60 жилийн ой нэрээр хандив цуглуулж, эмч ажиллагсдаас гурван сар дараалан нэг өдрийн цалинг хандивт авчээ. Ингээд нийт 24,456,977 төгрөгийг ажилчдынхаа цалингаас бэлэн бусаар суутган ҮЭ-ийн татвар нэрээр шилжүүлж, ойн үйл ажиллагаанд зарцуулсан болохыг мөн л тогтоосон байдаг. Үүнээс гадна тэрбээр өөртөө зориулан захирамж гаргаж, өөрөө өөртөө урамшуулал олгосон байсныг өнгөрөгч дөрөвдүгээр сард АТГ-аас илрүүлэн шалгаж, хариулага тооцсон юм билээ. Гэхдээ АТГ түүнд хариуцлага тооцохдоо “нүглийн нүдийг гурилаар хуурсан” байдаг. Өөрөөр хэлбэл АТ-аас түүнийг дуудаж, сануулга өгөөд л өнгөрөөсөн гэж байгаа юм.

Тэгвэл Ш.Хажидмаа гэх энэ эмэгтэй улсын мөнгөөр удаа дараа тоглочихоод хариуцлага хүлээдэггүйд нэг учир байгаа бөгөөд тэр том артай юм байна.

Тодруулбал Ш.Хажидмаа нь Ардчилсан намын гишүүн бөгөөд Сонгинохайрхан дүүргийн ИТХ-ын төлөөлөгч хэмээх сонгуульт ажилтай нэгэн аж. Албан тушаалаа урвуулан ашиглаж, мөнгө завшсан хэрэгт гурван жилийг дамнуулан, гурвантаа холбогдож буй, АТГ-аас ч айдаггүй түүнийг энэ удаа Ардчилсан нам мөн л хамгаалаад, дээш нь татаад авчээ. Тодруулбал Ш.Хажидмаа Эрүүл мэндийн төвийн даргын албанаас хөөгдсөн дариудаа Сонгинохайрхан дүүргийн Засаг даргын орлогчоор очсон байна. Нам дагаж, хошуу тосолсон энэ мэт хүмүүсийг төсвийн мөнгөөр тансаглуулан тэжээхээ больмоор байна. Удаа дараа АТГ-д шалгагдаж, улсын мөнгийг хувьдаа завшсан нь тогтоогдчихоод байхад дахин төрийн албанд ажиллах эрхгүй болгохгүй юм уу Ардчилсан намын эрх баригчдаа. Та бүхний идээд буй улсын мөнгө гэдэг чинь дунд давхаргын эгэл жирийн иргэдийн татварын мөнгө шүү дээ.

Ш.Хажидмаа гэж хэн бэ

1988 онд АУДС-ийг эмч мэргэжлээр төгссөн бол 1992 онд Дотрын эмчийн курс төгссөн. Их эмч, Ангаах ухааны магистр , Төрийн удирдлагын менежер доктрант хэмээх цолтой. 2008 оноос МӨАУМХ-ны эмч, гүйцэтгэх захирал 2001 оноос СХД-ийн 15-р хорооны Мичид Асрал ӨЭМТ-ийн дарга 1998-2001онд СХД-ийн ЭМН-ийн дотрын тасгийн их эмч
1994-1997 онд НЭ-н дарга,1988-1994 онд Эрдэнэт хотын хялгант тосгоны НЭ-т их эмчээр ажиллаж байгаад сүүлийн жилүүдэд ийнхүү Сонгинохайрхан дүүргийн эрүүл мэндийн нэгдлийн даргын албыг хашиж, удаа дараа улсын мөнгийг хувьдаа завшсан, албан тушаалаа урвуулан ашиглаж, мөнгө угаасан эмэгтэй. Харин одоогоор Сонгинохайрхан дүүргийн Засаг дарга Чинболдын орлогч. Чинболд ч мөн л улсын мөнгөөр тансаглаж, олонд танигдсан нэгэн. Энэ хоёр хоршиж ажиллахад санаа нийлээд амар биз ээ. Уг нь амташсан энэ мэт хулгайчдыг төрийн албанд байлгамааргүй байна.

Н.Ганаа

https://www.dorgio.mn/post/46582

Албан тушаалаа урвуулан ашиглаж, дараагийн албандаа очсон Ш.Хажидмааг төрийн албанаас холдуулья

Сонгинохайрхан дүүргийн эрүүл мэндийн төвийн дарга Ш.Хажидмааг оны өмнө албан тушаалаа урвуулан ашиглаж, бусдаас мөнгө завшсан хэргээр АТГ шалгасан бөгөөд үүрэгт ажлаас нь чөлөөлсөн юм.

Тодруулбал Ш.Хажидмаа нь 2012 онд 1.9 саятөгрөг, 2013 онд 2.4 сая төгрөг, 2014 онд 17.4 сая төгрөг, мөн 36.9 сая буюу нийт 71.553.464 төгрөгийг бэлнээр болон бэлэн бусаар зарцуулсан нь тогтоогдсон байна.

Тэрбээр 2012 оны УИХ-ын сонгуулиар СХД-ийн эрүүл мэндийн төвийн даргаар томилогдон очиж байсан аж. Харин одоогоор Сонгинохайрхан дүүргийн ИТХ-ын төлөөлөгч бөгөөд ажлаас халагдсан даруй тус дүүргийн Засаг дарга М.Чинболдын орлогчоор томилогдсон байна. Харин Чинболдыг төсвийн мөнгөөр гадаадад зугаалсан гэдгээр нь хүмүүс андахгүй болсон.

Тодруулбал тэрбээр өнгөрөгч нэгдүгээр сарын сүүлчээр арлын Япон оронд гэр бүлийн хамт долоо хоног амарч зугаалаад иржээ. Тэдний Япон явах виз, онгоцны нислэг, аялалын зардлыг СХД-ийн Засаг даргын Тамгийн газраас гаргасан баримт бий. Тэгвэл төсвийн мөнгөөр туйлдаг энэ нөхөр бусдын мөнгийг залилсан, төсвийн мөнгөөр мөн л туйлж, АТГ-аас арга хэмжээ авахуулж, ажлаасаа хөөгдсөн Ш.Хажидмааг өөрийн орлогчоор хажуудаа авчээ.

Төсвийн мөнгөөр туйлагсад, ийнхүү төрийн байгууллага дамжин явдагийн тод жишээ энэ. Ийм байхад авлига, албан тушаалаа урвуулан ашигласан гэмт хэрэг буурахгүй байх нь дамжиггүй. Уг нь Ш.Хажидмааг дахин Төрийн албанд ажиллах эрхгүй болгох ёстой баймаар юм.
Н.Ганаа

https://www.dorgio.mn/post/46509

[last_mogican]

Цуврал-95

Төсвийн мөнгийг хамгийн сайн хулгайлдаг хүнийг дээш татдаг нь Ардчилсан намын бодлого уу

Сонгинохайрхан дүүргийн эрүүл мэндийн төвийн дарга Ш.Хажидмаа төрийн сангийн дансанд орох ёстой улсын мөнгөнөөс 71,553,464 төгрөгийг хувьдаа завшсан болох нь тогтоогдож, түүнийг АТГ оны өмнөхөн шалгаж байсан билээ. Мөн түүнийг уг хэрэгт буруутган Нийслэлийн эрүүл мэндийн газрын даргын тушаалаар албан ажлаас нь чөлөөлсөн байгаа.

Тэрбээр Сонгинохайрхан дүүргийн эрүүл мэндийн төвийн 60 жилийн ой нэрээр хандив цуглуулж, эмч ажиллагсдаас гурван сар дараалан нэг өдрийн цалинг хандивт авчээ. Ингээд нийт 24,456,977 төгрөгийг ажилчдынхаа цалингаас бэлэн бусаар суутган ҮЭ-ийн татвар нэрээр шилжүүлж, ойн үйл ажиллагаанд зарцуулсан болохыг мөн л тогтоосон байдаг. Үүнээс гадна тэрбээр өөртөө зориулан захирамж гаргаж, өөрөө өөртөө урамшуулал олгосон байсныг өнгөрөгч дөрөвдүгээр сард АТГ-аас илрүүлэн шалгаж, хариулага тооцсон юм билээ. Гэхдээ АТГ түүнд хариуцлага тооцохдоо “нүглийн нүдийг гурилаар хуурсан” байдаг. Өөрөөр хэлбэл АТ-аас түүнийг дуудаж, сануулга өгөөд л өнгөрөөсөн гэж байгаа юм.

Тэгвэл Ш.Хажидмаа гэх энэ эмэгтэй улсын мөнгөөр удаа дараа тоглочихоод хариуцлага хүлээдэггүйд нэг учир байгаа бөгөөд тэр том артай юм байна.

Тодруулбал Ш.Хажидмаа нь Ардчилсан намын гишүүн бөгөөд Сонгинохайрхан дүүргийн ИТХ-ын төлөөлөгч хэмээх сонгуульт ажилтай нэгэн аж. Албан тушаалаа урвуулан ашиглаж, мөнгө завшсан хэрэгт гурван жилийг дамнуулан, гурвантаа холбогдож буй, АТГ-аас ч айдаггүй түүнийг энэ удаа Ардчилсан нам мөн л хамгаалаад, дээш нь татаад авчээ. Тодруулбал Ш.Хажидмаа Эрүүл мэндийн төвийн даргын албанаас хөөгдсөн дариудаа Сонгинохайрхан дүүргийн Засаг даргын орлогчоор очсон байна. Нам дагаж, хошуу тосолсон энэ мэт хүмүүсийг төсвийн мөнгөөр тансаглуулан тэжээхээ больмоор байна. Удаа дараа АТГ-д шалгагдаж, улсын мөнгийг хувьдаа завшсан нь тогтоогдчихоод байхад дахин төрийн албанд ажиллах эрхгүй болгохгүй юм уу Ардчилсан намын эрх баригчдаа. Та бүхний идээд буй улсын мөнгө гэдэг чинь дунд давхаргын эгэл жирийн иргэдийн татварын мөнгө шүү дээ.

Ш.Хажидмаа гэж хэн бэ

1988 онд АУДС-ийг эмч мэргэжлээр төгссөн бол 1992 онд Дотрын эмчийн курс төгссөн. Их эмч, Ангаах ухааны магистр , Төрийн удирдлагын менежер доктрант хэмээх цолтой. 2008 оноос МӨАУМХ-ны эмч, гүйцэтгэх захирал 2001 оноос СХД-ийн 15-р хорооны Мичид Асрал ӨЭМТ-ийн дарга 1998-2001онд СХД-ийн ЭМН-ийн дотрын тасгийн их эмч
1994-1997 онд НЭ-н дарга,1988-1994 онд Эрдэнэт хотын хялгант тосгоны НЭ-т их эмчээр ажиллаж байгаад сүүлийн жилүүдэд ийнхүү Сонгинохайрхан дүүргийн эрүүл мэндийн нэгдлийн даргын албыг хашиж, удаа дараа улсын мөнгийг хувьдаа завшсан, албан тушаалаа урвуулан ашиглаж, мөнгө угаасан эмэгтэй. Харин одоогоор Сонгинохайрхан дүүргийн Засаг дарга Чинболдын орлогч. Чинболд ч мөн л улсын мөнгөөр тансаглаж, олонд танигдсан нэгэн. Энэ хоёр хоршиж ажиллахад санаа нийлээд амар биз ээ. Уг нь амташсан энэ мэт хулгайчдыг төрийн албанд байлгамааргүй байна.

Н.Ганаа

https://www.dorgio.mn/post/46582

Албан тушаалаа урвуулан ашиглаж, дараагийн албандаа очсон Ш.Хажидмааг төрийн албанаас холдуулья

Сонгинохайрхан дүүргийн эрүүл мэндийн төвийн дарга Ш.Хажидмааг оны өмнө албан тушаалаа урвуулан ашиглаж, бусдаас мөнгө завшсан хэргээр АТГ шалгасан бөгөөд үүрэгт ажлаас нь чөлөөлсөн юм.

Тодруулбал Ш.Хажидмаа нь 2012 онд 1.9 саятөгрөг, 2013 онд 2.4 сая төгрөг, 2014 онд 17.4 сая төгрөг, мөн 36.9 сая буюу нийт 71.553.464 төгрөгийг бэлнээр болон бэлэн бусаар зарцуулсан нь тогтоогдсон байна.

Тэрбээр 2012 оны УИХ-ын сонгуулиар СХД-ийн эрүүл мэндийн төвийн даргаар томилогдон очиж байсан аж. Харин одоогоор Сонгинохайрхан дүүргийн ИТХ-ын төлөөлөгч бөгөөд ажлаас халагдсан даруй тус дүүргийн Засаг дарга М.Чинболдын орлогчоор томилогдсон байна. Харин Чинболдыг төсвийн мөнгөөр гадаадад зугаалсан гэдгээр нь хүмүүс андахгүй болсон.

Тодруулбал тэрбээр өнгөрөгч нэгдүгээр сарын сүүлчээр арлын Япон оронд гэр бүлийн хамт долоо хоног амарч зугаалаад иржээ. Тэдний Япон явах виз, онгоцны нислэг, аялалын зардлыг СХД-ийн Засаг даргын Тамгийн газраас гаргасан баримт бий. Тэгвэл төсвийн мөнгөөр туйлдаг энэ нөхөр бусдын мөнгийг залилсан, төсвийн мөнгөөр мөн л туйлж, АТГ-аас арга хэмжээ авахуулж, ажлаасаа хөөгдсөн Ш.Хажидмааг өөрийн орлогчоор хажуудаа авчээ.

Төсвийн мөнгөөр туйлагсад, ийнхүү төрийн байгууллага дамжин явдагийн тод жишээ энэ. Ийм байхад авлига, албан тушаалаа урвуулан ашигласан гэмт хэрэг буурахгүй байх нь дамжиггүй. Уг нь Ш.Хажидмааг дахин Төрийн албанд ажиллах эрхгүй болгох ёстой баймаар юм.
Н.Ганаа

https://www.dorgio.mn/post/46509

[last_mogican]

Цуврал-96

П.Цэнгүүн: Х.Баттулга үсрээд 20-иод мянган тонныг оруулж ирхэд хэн ч жагсаагүй

“Алтан тариа” компанийн захирал П.Цэнгүүнтэй ярилцлаа.
-Тариаланчид, засаг төр, гурил үйлдвэрлэгчид гэсэн гурвалжин маргаан энэ жил ахиад дэгдлээ. Яагаад маргаад байдаг юм бол?
-Энэ маргаан хэзээнээс эхэлсэн бэ гэдэг түүхийг эргэж харах учиртай. Ноднин төв талбай дээр будаа асгаснаас эхэлсэн юм. Өмнө нь энэ салбарыг хоёр том төлөөлөгч удирдаж байсан. 2008 оноос хойш Т.Бадамжунай, дараа нь Х.Баттулга сайдаар ажилласан. Тэр үед ийм эсэргүүцэл гараагүй. Жилийн өмнөөс дэгдсэн энэ маргаанд нэг сайн тал бий. Атрын гуравдугаар аян өрнөснөөс хойших далд юм ил гарсан. Нуудаг хаадаг юмнуудаа ард түмэнд үзүүлж харуулж эхэллээ. Атрын гуравдугаар аяныг эхлүүлсэн зорилго нь ердөө л улс төр шүү дээ. 2008 оны буудайн үнийн өсөлтөөс хойш Орост найтаахад энд ханиахаа больё, ерөөсөө өөрсдөө дотооддоо тариагаа тарья гээд энэ аяныг эхлүүлж байсан. Урамшуулал, зээл, тусламж, худалдаж авсан юмнууд гээд яривал төрөөс бараг нэг их наяд төгрөгийн хөрөнгө зарцуулсан. Асар их мөнгө. Тэглээ гээд бид өнөөдрийг хүртэл хэрэглээгээ хангаж чадаагүй байна.
Хүнсний хууль гараагүй үе буюу 2012 он хүртэл гурил, буудайны худалдаа чөлөөтэй байсан юм. 2012 он хүртэл, төр энэ бизнест оролцоогүй байх тэр үед гурил, буудайн дээр хэн ч юу ч хэлдэггүй, жагсдаггүй байсан. Харин Х.Баттулга 2012 онд гарч ирээд хориг тавьж, квот өгдөг болсон. 2013 онд бас буудай дутах нь гээд 100 мянган тоннын квот гаргаж байсан. Шийдвэр гаргасан хүн нь мөн л Х.Баттулга. Үсрээд 20-иод мянган тонныг оруулж ирсэн байх. Тэгэхэд хэн ч жагсаагүй. Гэтэл 2014 онд Р.Бурмааг гараад ирэнгүүт хориод мянган тонн буудай импортлох зөвшөөрөл өгчихлөө гээд жагсч эхэлсэн. Яг нарийндаа энэ квотыг өмнөх сайдынх нь үед зөвшөөрчихсөн байсан.
-Өмнөх сайд нарын үед хэл үг гараагүй хэр нь Р.Бурмаагийн үед яагаад маргаан дэгдээд байгаа юм бол?
– Өмнөх сайд нар хоёулаа газартай, тариа тарьдаг аж ахуйтай. Бас гурил, талхны үйлдвэрүүдтэй. Өөрөөр хэлбэл хоёулаа ашиг сонирхлын зөрчилтэй улс. Төрийн хуваарилж байгаа асар их мөнгө рүү хувийн ашиг сонирхлоороо орчихсон сайд нар. Тийм учраас тариаланч, гурил үйлдвэрлэгчидтэйгээ хамт идэж, дээрэмдэж, тоноод явсан. Гэтэл гэнэтхэн нэг ч га газаргүй, нэг ч ширхэг үйлдвэргүй эмэгтэй сайд гараад ирэхээр дээрэмдэж тонож байсан хүмүүст таалагдах уу. Тономоор байна, дээрэмдмээр байна гээд явах нь ойлгомжтой. Яг нарийндаа дээрэмчдийн бүлэглэл дээрэмчдийнхээ ахлагчийг сольё гээд яваад байгаа л хэрэг.
-Буудайн дээр худлаа тоо гаргаж өгөөд илүү урамшуулал аваад байна гэсэн яриа сонсогдох боллоо. Тийм байж болох уу?
-Ноднин жил Монгол Улс түүхэндээ байгаагүй их ургац авлаа гээд өчнөөн юм болсон. Хураасан их ургац нь дэлхийд байхгүй өндөр үнэтэй, тэр үнээр нь авч хийсэн гурил нь бас үнэтэй, эцсийн дүндээ хэрэглэгчид өндөр үнэтэй гурил идээд аж төрж байгаа. Ноднин 470 мянган тонн буудай хурааж авсан гэсэн статистик бий. 350 мянган тонн нь гурилын үйлдвэрлэлд тэнцэнэ гээд урамшуулал авсан. Тэр үеэс хойш яг нэг жил боллоо. Буудайгаа идээд дуусч байна. Дахиад статистик харъя. 250 мянган тонн буудайгаар л гурил үйлдвэрлэсэн байна. Дотоодын үйлдвэрлэгчид 200 мянган тонн гурил л үйлдвэрлэж хэрэглэгчдэд нийлүүлж. Тэгэхээр урамшуулал авсан 100 мянган тонн буудай хаачив аа гэсэн асуулт гарч ирж таарна аа даа.
-Урамшууллын мөнгө авах гэж худлаа тоо гаргасан гэсэн үг үү?
-Өөр ямар ч тайлбар байхгүй.
-Бидний тарьсан буудайг голоод авахгүй байна гэж ярьдаг нь тэгээд худлаа болж таарах нь уу?
-Р.Бурмаагийн хувьд бүтэн жилийн дээрэм тонуулыг л больё гэсэн асуудал ярьсан. Би үүнийг бүр өмнө нь Х.Баттулгыг сайд болсны дараахан сануулж байсан. “Газар тариалан болохоо байчихсан салбар. Бор зүрхээрээ, шударга яваа тариаланч, гурил үйлдвэрлэгчид мэдээж бий. Улсаас асар их мөнгө хуваарилаад ирэхээр но-той асуудлууд гарч ирсэн нь бас үнэн. Татвар төлөгчдийн мөнгийг зүгээр л идэж уудаг дээрэм тонуул байна. Үүнийг болиулахгүй бол хөөс үүснэ. Үүссэн хөөс хэзээ нэгэн цагт хагарна шүү” гэж хэлсэн удаа бий.
-Тэгж хэлэхэд чинь ямар хариу өгсөн бэ?
-“Тэгье” л гэсэн. Гэвч болиулаагүй үргэлжлүүлснийг бид харж байна. Ашиг сонирхлын зөрчилтэй учраас болиулаагүй хэрэг. Засаг тэгээд зогсоогүй, өмнөхөөсөө долоон дор Үнэ тогтворжуулах хөтөлбөр гэдэг юм гаргаад ирчихсэн. Социалист загвартай, төвлөрсөн төлөвлөгөөтэй. Аймшгийн коммунист үзэл санаа. Монголбанк нь Засгийн газартайгаа нийлж, зах зээлийн харилцааны эсрэг юм хийнэ гэдэг үнэн хэрэгтээ гамшиг. Тэр үеэс хойш яг гурван жил өнгөрч байна. Миний хувьд гурван жилийн дараа юу болохыг харсан учраас танай сонинд нийтлэл бичиж эсэргүүцэж байсан юм. Ийм учраас би тухайн үед нэг тэрбум төгрөгөөс татгалзсан. Өнөөдөр хар даа, хэнийх нь үнэн байж вэ. Сая миний онцолсон хоёр субъект нийлж байгаад дөрвөн тэрбум ам.доллар тараачихсан. Зөвхөн гуриланд гэхэд л 60 тэрбум төгрөг тарааснаас хорин тэрбум нь алга болсон. Монголын эдийн засаг хямарсан хоёр гуравхан шалтгаан бий. Нэг нь сая хэлсэн үнэ тогтворжуулах хөтөлбөр. Нөгөө нь найман хувийн хүүтэй орон сууцны зээл. Үүнээс болж улс орны худалдан авах чадвар эрс муудсан. Хүмүүст юм худалдан авах чадал алга. Худалдан авах чадвартай байсан дундаж давхарга нь бүгдээрээ орон сууцны зээлтэй. Засгаас тэр орон сууцыг нь бариулах гээд барилгын салбарт баахан мөнгө хийгээд хөөс үүсгэчихсэн. Өнөө хөөс нь аажуухан хагарч байна. Цаашдаа ч хагарна. Үнэ тогтворжуулах хөтөлбөр дээр сая гурилыг онцоллоо. Бусад бүтээгдэхүүн дээр ч ялгаагүй. Тараасан мөнгөний 30 хувь нь байхгүй. Үнэ тогтворжуулах хөтөлбөрийн уршгаар гурил, нефтийн үнээ буулгаж чадахгүй байна. Яг нарийндаа үнэ тогтворжуулна гэдэг чинь үнийг буулгахгүйн эсрэг хөтөлбөр.
-Газрын тосны үнийн уналт үргэлжилсээр байхад шатахууны үнэ хөдлөхгүй байна гэсэн асуудал ч бий шүү?
-Гурил ч ялгаагүй. Алтанбулаг дээр очоод харах хэрэгтэй. Арваад цаг хүлээж хил нэвтрээд цаахна нь байгаа “Абсолют” гэдэг дэлгүүрт очоод үзэхэд л андашгүй. Тэнд нэг кг дээд гурилыг 21 рублиэр зарж байгаа. 600-гаадхан төгрөг гэсэн үг. Гэтэл “Номин”-д “Алтан тариа”-н дээд гурилын нэг килограмм нь 1100 төгрөг. Хоёр дахин илүү үнэтэй байгаа биз. Хөтөлбөр хэрэгжүүлсэн учраас ийм байдалд хүрсэн. Асар их мөнгийг зээл гэж тараагаад үнэ тогтворжуулах үүднээс үнэ буулгахын эсрэг бүх зүйлийг хийж байна. Гадаад худалдаа хийх хориг тавьчихсан учраас үнэ буурахгүй байгаа юм. Гаднаас буудай, гурил оруулж ирэх хориотой. Дээр нь энэ засаг үндэснийхээ үйлдвэрийг дэмжиж байна гээд бусад бараанд гаалийн хорин хувийн татвар тавьчихсан.
-Үндэсний үйлдвэрээ хамгаалах нь харин ч зөв бодлого биш үү?
-Аль ч улс орон үндэсний үйлдвэрээ хамгаалсан бодлого явуулдаг. Гэхдээ хэзээ вэ гэдэг асуудал бий. Европ шиг, Америк шиг амьжиргааны түвшин, худалдан авах чадвар нь өндөр, баян орнуудын хувьд өөр. Гэтэл монголчуудын 35 хувь нь ядуу. Ийм онцлогтой улсын Засгийн газар нь ядуустаа үнэтэй гурил, өндөг идүүлэх гээд зүтгээд байгаа нь ойлгомжгүй. Хэрвээ үнэ тогтворжуулах хөтөлбөрийг хэрэгжүүлээгүй, гадаад худалдаагаа 1996-2000 он шиг чөлөөтэй тавьсан бол ингэж хямрахгүй байсан. Тухайн үед АН засаг барихдаа гааль, НӨАТ-ыг тэглэж байж Монголын эдийн засгийг аварсан.
Монгол хоёр хөрштэй. Нэгэнд нь баялгаа зарж, нөгөөгөөс нь хэрэглээний бараагаа авдаг. Орос, Украин хоёрын дунд асуудал үүсээд жил хагас болж байна. Ноднингийн наймдугаар сараас хойш рублийн ханш унаж, Монголд маш таатай нөхцөл бий болсон. Хойд хөршөөс хямдхан бензин, гурил, будаа, тос, элсэн чихэр гээд гол хүнсээ авч болох байсан. Гэтэл тэгээгүй. Монголчуудын хувьд энэ зун Байгаль нуур, Итгэлт хамба гээд Орос руу аялал жуулчлалаар их явсан. Гэтэл өнөөдөр аялал жуулчлалын сезон дуусчихсан байхад Оросын хил дээр монголчууд хил гарах гээд бүтэн өдөржин хүлээж байна. Оросын хил давах гэж байгаа иргэдийн ихэнх нь контрабанд хийх гэж очиж байна.
-Контрабанд аа…?
-Контрабанд шүү дээ. Уг нь Оросын хямд барааг компаниуд оруулж ирээд иргэддээ хямд зарах боломжтой. Гэтэл засаг нь гаалийн өндөр татвар, квот тавьсан учраас компаниуд биш иргэд нь бараа зөөгөөд байна. Хуучин нийгмийн үед контрабанд буюу хар зах яагаад үүссэн гэж та бодож байна?
-Бараа нь хориотой, өндөр татвартай байсан учраас уу?
-Яг тийм. Ерэн оноос өмнө Монголд гадаад худалдаа хийдэг “Монголимпекс” гээд ганцхан компани байсан. Хэдэн ширхэг уруулын будаг оруулж ирэхийг хүртэл шийддэг байсан газар. Гэрийн хороололд амьдардаг нэг нөхөрт 2000 төгрөг байлаа гэж бодъё. Өнөөдрийн энэ системээс болоод дэлгүүрт ороод нэг кг гурил, нэг ширхэг талх аваад л мөнгө нь дуусна. Хэрвээ гааль, хоригоо болиод, гадаад худалдааны татваруудаа бууруулчихвал иргэд нь контрабанд хийхгүй. Хил гарах гэж хэдэн цаг дугаарлаж зогсохгүй. Компаниуд нь бөөнөөр нь оруулж ирээд ард түмэндээ хямд хүнс хүргэвэл өнөө гэр хорооллын нөхөр 2000 төгрөгөөрөө хоёр биш гурван бараа авна. Нэг кг элсэн чихэр нэмээд авчихна. Эцсийн дүндээ хэрэглэгч л хожно. Хориг квот нь байхгүй бол буудайгаа бүү хэл гурилаа нийлүүлье гэсэн хүмүүс зөндөө байна. Дөнгөж сая, өнгөрсөн долоо хоногт талхны үйлдвэрүүдэд бага хэмжээний гурилын квот өглөө. “Өгөөж”-ийн Түмэнгэрэл “Хойно хямд байгаа учраас та нараас авч чадахгүй нь” гээд хойноос гурил авчирсан. Гааль, НӨАТ-ын 26 хувийн татвараа төлөөд нэг кг дээд гурилыг 750 төгрөгөөр оруулж ирж байна. Гэтэл надаас 1100 төгрөгөөр авч байсан. Гол логик нь энэ.
-Дэлхийд гурил, буудайны үнэ ямархуу байгаа вэ. Сүүлийн жилүүдийн үнийн өгсөлт, уруудалт нь ямар байгаа бол?
-Мэдээж Монголдоо тариа тарих чухал ч ямар үнэ өртгөөр вэ гэдэг асуудал түүнээс чухал. Өнөөдөр дэлхийн зах зээл дээр буудайны үнэ Монголоос хоёроос гурав дахин хямд байна. Ард түмэндээ үнэтэй гурил идүүлдэг бид тийм баян орон мөн билүү. Үнэнийг хэлэхэд би өндөр үнээр гурил зарж байгаадаа ичиж байна. Надад гурилаа хямдхан зарах бүрэн боломж бий. Гадаад худалдаа чөлөөтэй бол хямдхан гурил нийлүүлж чадна. Харамсалтай нь Чинбат, Цандэлэгийн буудайг ав гэж шахаад хямд гурил үйлдвэрлэх боломж өгөхгүй байна л даа. Би тэдний буудайг худалдаж аваад гурил үйлдвэрлэж зарж чадна. Эцсийн дүндээ ард түмэн л үнэтэй гурил идэж хохирно.
Дэлхийн хүнсний байгууллагаас дэлхийн хүнсний бүтээгдэхүүний инфляци буюу индексийг сар бүр гаргадаг юм. Сүүлийн таван жилийн турш хүнсний бүтээгдэхүүний үнэ унаж байгааг тэдний гаргадаг индексээс харж болно. Дэлхийн үр тарианы зөвлөл гэж бий. Сар бүр үнэ, нийлүүлэлтийнхээ статистикийг гаргадаг. Эндээс харахад үр тарианы үнэ жил ирэх бүр унаж байна. Зүй нь бид үүнийг дагах ёстой. Дэлхий даяар ийм уналт болж байхад Монголд эсрэгээрээ өсч байгаа нь гажуудал.
-Дундаж давхарга бултаараа орон сууцны зээл авсан учраас худалдан авах чадвар буурсан гэдгийн нөгөө талд дундаж давхарга үл хөдлөх хөрөнгөтэй бол хүчирхэгжинэ, хүчтэй дундаж давхаргатай улс хөгжинө гэсэн тайлбар бас бий…?
-Цаг хугацаа л үнэн худлыг харуулна. Би гурван жилийн өмнө Үнэ тогтворжуулах хөтөлбөрийг эсэргүүцсэн. Гурван жилийн дараа үнэ тогтворжуулах хөтөлбөр энэ улсыг дампууруулж байна гэдгийг бардам хэлж байна. Би тэр хөтөлбөрт ороогүй эсэргүүцсэндээ баяртай байгаа. Харамсалтай нь хөтөлбөрт орсон компаниуд дампуурсан. Жаран тэрбум төгрөг хувааж авсан гурилын үйлдвэрүүдийн талаас илүү нь дампуурсан. Хаалгаа бариад зугтсан. Үр дүн нь энэ.
-Яг үнэндээ тариа тарих ашигтай биш, зардалтай гэж ярьдаг. Үнэхээр зардал нь өндөр гардаг бол хөлсөө урсгаж ургуулсан буудайгаа хямд өгөхөд хэцүү л юм?
-Больчих. Дампуурчих. Юмаа зарчих. Авах улс бий. Аливаа ган, зуд маш том боломж авчирдаг. Энэ хямрал ч гэсэн их том боломж. Шинэ хүчин, шинэ залуус, шинэ санаачилга гарч ирж ажилладаг учраас хямралыг боломж гэж онцолдог юм. Таримааргүй байна гэхэд нь албадаж тариулаагүй шүү дээ. Өрсөлдөж л тарьдаг зүйл. Хойд хөршөөс хямд зарж, өртгөө бага байлгаж чадахгүй бол болих хэрэгтэй. Дараагийн ээлжиндээ өг л дөө. Хоёрдугаар ээлж хоолонд ороход бэлэн байна.
-Хэрвээ биднийг унагавал газар тариаланд орох хүн байхгүй гэдэг шүү дээ?
-Харъя. Газар нь өөрөө үнэ цэнтэй. Техник нь үнэтэй. Гурван жилийн дараа байдал ямар болохыг харъя.
-Жилийн жилд буудайн чанарын асуудал сөхөгддөг. Энэ жил ямаршуу байна?
-Ургац өндөр авсан жил буудайн чанар муу байдаг. Тэжээлийн будаа маш их гардаг юм. Энэ жил ургац багатай, гантай жил. Гэтэл буудайн цавуулаг 30 хувь байна. Энэ бол хүн төрөлхтний л жамын асуудал. Ноднин буудайн цавуулаг 24 хүрэхгүй хувь байсан. Харин энэ жилийн хувьд хангалттай. Эсрэгээрээ цавуулаг нь хэтрээд байгаа. Бидэнд одоо хямдхан, цавуулаг багатай буудай хэрэгтэй байна. Хольж хийхгүй бол хэт өндөр цавуулагтай, талх хийхээр хөөхгүй гурил гарна.
-Ургац бага учраас жилийн хэрэгцээгээ хангаж дийлэхгүй гэж ярьж байна. Хэдий хүртэл гурил хийчихээр буудай байна?
-Энэ жилийн хэрэгцээнд бол хүрэхгүй. Сарын дотор ургацын баланс гарчих байх. Тэр үед илүү тодорхой болно. Гаднаас гурил, буудай хоёуланг нь оруулж ирэхээс аргагүй.
-Тэдэн сард л дуусах байх гэсэн төсөөлөл таамаг байна уу?
-Хэдийг авсан бэ гэдэг нь худал хуурмаг болчихоод байгаа учраас яг таг хэлэхэд хэцүү.
-Ургац дээр худлаа тоо хэлэх магадлал өндөр гэх гээд байна уу?
-Мэдээж. Тариагүй юмаа тарьсан гэж ярьж мэднэ. Багцаа таамгаар бол цагаан сар өнгөрөөд л гурил, буудайгүй болчих байх. Гадаад худалдаагаа чөлөөлөөд, квот хоригийг болиод, гурван сая хэрэглэгчийг хямд хүнсээр хангая гэж байгаа бол цагаан сарын өмнө шийдвэрээ гаргах хэрэгтэй. Арванхоёр, нэг, хоёрдугаар сард гурилд нь ч, буудайнд нь ч зөвшөөрөл өгөх хэрэгтэй. Тэгвэл энэ жилийн цагаан сар сайхан болно.

http://tusgaar.mn/?p=12830

[last_mogican]

Цуврал-97

Ц.Цолмон сайдын зөвлөхийг үйлдэл дээр барьж, 461 дүгээр ангид саатууллаа

Авлигатай тэмцэх газар Батлан хамгаалах яамнаас сонгон шалгаруулалт зарласан тендертэй холбоотойгоор Батлан хамгаалахын сайд Ц.Цолмонгийн Нийгмийн асуудал хариуцсан зөвлөх Ж.Алтансүхийн иргэн М-ээс 2016 оны 4 дүгээр сарын 25-ны өдөр хээл хахууль авсныг үйлдэл дээр нь илрүүлжээ.
Улмаар эрүүгийн 201601000081 дугаартай хэрэг үүсгэн мөрдөн байцаалтын ажиллагаа явуулж эхэлсэн байна. Ж.Алтансүхийг дээрх хэрэгт холбогдуулан Эрүүгийн хуулийн тусгай ангийн 268 дугаар зүйлийн 268.2-т заасны дагуу сэжигтэнээр тооцон, цагдан хорих 461 дүгээр ангид саатуулжээ.

Амар

http://undesten.mn/index.php?newsid=6849

[cellat]

Цуврал-97

Ц.Цолмон сайдын зөвлөхийг үйлдэл дээр барьж, 461 дүгээр ангид саатууллаа

Авлигатай тэмцэх газар Батлан хамгаалах яамнаас сонгон шалгаруулалт зарласан тендертэй холбоотойгоор Батлан хамгаалахын сайд Ц.Цолмонгийн Нийгмийн асуудал хариуцсан зөвлөх Ж.Алтансүхийн иргэн М-ээс 2016 оны 4 дүгээр сарын 25-ны өдөр хээл хахууль авсныг үйлдэл дээр нь илрүүлжээ.
Улмаар эрүүгийн 201601000081 дугаартай хэрэг үүсгэн мөрдөн байцаалтын ажиллагаа явуулж эхэлсэн байна. Ж.Алтансүхийг дээрх хэрэгт холбогдуулан Эрүүгийн хуулийн тусгай ангийн 268 дугаар зүйлийн 268.2-т заасны дагуу сэжигтэнээр тооцон, цагдан хорих 461 дүгээр ангид саатуулжээ.

Амар

http://undesten.mn/index.php?newsid=6849

Tsolmon chin MAH-iinh bish biluu?

[Begin]

mark