- Хэн нэгэн хүн хаа нэгтээгээс мэдээлэлийг хуулж аваад тависан, тэр нь бас нэлээд урт (10-с дээш мөр) , байвал зохиогчыг нь заавал дурьдаж байхыг шаардах, хэрэв хаанаас ингэж хуулж тавьсанаа дурьдаагүй бол уг сэдэвийг устгаж байхыг хүсэе.
Жишээ нь хэн нэгэн нь цаг заваа гаргаад гоё вэб, гоё мэдээлэлтэй вэб хийдэг, тэрнийг нь хүмүүс copy хийгээд Асуулт Самбар дээр paste хийгээд байдаг, тэр цаг заваа гаргаж мэдээлэлийг бичсэн хүний вэбийг нь дор хаяж дуридахгүй өнгөрч арай л болохгүй байх. Тийм уур амьсгал орчинд юм хийх дур хүсэл ч хүмүүст хэрхэн төрөх билээ.
Бусад нийт хэрэглэгчид маань ч гэсэн энэ зохиогчын эрхийг, улмаар өөрийгөө бусад монголчуудынхаа оюуны өвийг хүндэтгэх, юм хийгээд цаг гарган сууж буй хэдийгээ хүндэтгэх юм хийх хүсэлийг нь дэмжих үүднээс COPY PASTE хийхийг аль болох татгалзах, хэрэв үнэхээр хуулж тавьсан бол зохиогч болон хаанаас хуулж тавьсанаа заавал нэг дор дурьдидаг байхыг хүсэе.
[stream]http://forum.asuultserver.com/forum/fil ... em_760.mp3[/stream]
2005-11-05 - Бие биенээ хайрлан хүндэлж, эелдэг найрсаг байцгаан, харилцан туслалцан хэрэгтэй мэдээлэлээ солилцсон халуун дулаан бүлээхэн уур амьсгалтай орчин бүрдүүлэхийг бид энд эрхэмлэдэг болно.
2005-10-14 - [Зарим хүмүүст жаахан дургүйцэл төрсөн үедээ бичив, дараа нь уншсан чинь зарим хэсэг нь хачин болчихсон байна гэхдээ яахав байж байг, зохих хүмүүст зориулагдаад.. кэкэ..]
Өмнөх иймэрхүү ерөнхий танилцуулга асуулт хариулт сэвэвийг та эндээс олж уншиж болно. Энэ удаад сүүлийн 2 жил гаруйн хугацаанд илрэх болсон шинэлэг асуулт асуудалын талаар үзэл бодол байр сууриа илэрхийлж байна..
- Асуулт Самбарын үндсэн зорилгыг дахин тодруулбал?
- Асуулт.нэт-ын форум булан буюу Асуулт Самбар нь эх вэб хуудас http://www.Asuult.net -тайгаа адил Монгол хүүхэд залуучуудын мэдлэг боловсрол, хөгжил дэвшил, бичгийн соёлыг сайжруулах, ийм зорилгоор хоорондоо хялбарханаар харилцан мэдээлэл солилцож хамтран илүү хурдацтайгаар сайжрах хөгжих боломжоор хангах үндсэн зорилготой. Дээрх зүйлсийг ойлгодог эрхэмлэдэг ухаантай өндөр ёс суртахуунтай залуусын хоорондоо холбогдох гүүр нь болж, орчин үеийн Монголын өндөр боловсролтой, өндөр ёс суртахуунтай, ялангуяа өндөр бичгийн соёлтой шинэ үеийг цогцлуулахад бодитой хувь нэмэрээ оруулах. Энэ бол Асуулт Самбарын үндсэн зорилго, бидний энэ онлайн нийгэмийг авч явж хөгжүүлэх үндсэн чиг баримжаа болно.
- Асуулт Самбарт хамгийн нэн түрүүнд хүлээн зөвшөөрөгдөхгүй зүйлс:
- Эр эм ялгаагүй хэний ч бай хувийн амьдралыг үнэн ч бай худлаа ч бай асуудлаар хэт нарийвчлан сөхөж (гэр бүл, уг гарал үндэс угсаа, хань ижил хайр дурлал, бэлгийн амьдрал, бие эрүүл мэнд гэх мэт..), хувь хүний нэр төрд доромжилсон байдлаар хандах нь хүлээн зөвшөөрөгдөхгүй бөгөөд энэ нь "ерөнхийдөө аль ч олон нийтийн газар байдаг дэлхий даяар хүлээн зөвшөөрөгдсөн хамгийн энгийн үндсэн журам" болно. Ийм хэрэг гардаггүй биш их гардаг, үүний эсрэг бид боломжтой бүх аргыг хэрэглэн тэмцэх, нэн түрүүнд тиймэрхүү хувийн амьдралаар нь хүнийг олон нийтэд доромжилсон бичлэгүүдийг нь элдэв анхааруулга асуулт тодруулгагүйгээрр шууд устгах бөгөөд ингэх нь ёс зүйн хэв горимд бүрэн нийцэх юм. Энийг ойлгодоггүй мэддэггүй хүмүүс нэлээн байдаг нь сүүлийн үед нэлээн ажиглагдсан, тэгвэл одооноос мэдэж ав, тийм бүдүүлэг байдал энд гаргах нь ёс суртахуунгүй танхай ч байдал, мөн Асуулт Самбар бол тийм зориулалттай зорилготой газар ч огт биш юм..
- Удаан хугацаанд хэрэглэсэн хүндэт гишүүдийн талаар, хуучин сайн гишүүд нь орохоо болисон гэх мэт зүйлс..?
- АС-ын үндсэн зорилго нь хүмүүсийг энд аль болох удаан цаг барьж байлгах бол огт биш юм. Харин ч хэрэгтэй үедээ зөв боловсон ашиглаад, хэрэггүй үедээ амьдралын бусад асуудлаа хөөгөөд явж байх нь "эрүүл саруул" үзэгдэл гэж хувьдаа бодож байна.. Гэхдээ энд хэрэгтэй үедээ орж ирчээд онцын шаардлагагүй үед ч гэсэн олон цагийг энд өнгөрүүлсэн хэвээр л байгаад байдаг асуудал гардаг гэдэгийг хүмүүс ер нь мэдэж байгаа. Тийм "архагших" буруу үзэгдэлийг бид огт дэмждэггүй болно. Гэхдээ тийм хүмүүсийг хүчээр хориглох, илтээр буруутгаад байхаас бас түдгэлздэг юм.
- Тийм хуучин архаг гишүүд ямар давуу эрх мэдэлтэй вэ?
- АС-д ордог хүн бүхэн мэдэж байгаа, их хэмжээний цагийг энд өнгөрүүлдэг хүмүүсийг дотор нь хоёр ангилчих боломжтой, А) цэвэр мэдээлэл танин мэдэхүй ёс суртахуун хүмүүний амьдралын талаар хэрэгцээтэй мэдээлэл бичдэг хэлэлцдэг, Б) нээх тийм хэрэгтэй юм бичдэггүй ихэвчлэн чаталж бусадтай ёс бус байдлаар үг хэлээ билүүдэх байдалтай.. Эхний ангилалд багтдаг хүмүүсийг бид хүндэлдэг, АС-ыг хэрэглэх орчиныг нь аль болох таатай байлгахыг хичээж тухайн хүний оюуны потенциалыг олон хүнд түгээхийг эрхэмлэдэг. Хоёр дахь ангилалд багтдаг хүмүүсийг бид бас л хүндэлдэг, олон цагийг нэг дор өнгөрөөгөөд ер нь найзархаг уур амьсгал үүссэн байдаг.. Архаг хуучин гишүүд нь заавал илүү эрх мэдэл эрх нөлөөтэй байх талаар бол харин огт журам байхгүй, заавал хуучин удцан гишүүн нь шинээсээ илүү эрх мэдэлтэй байна гэсэн ойлголт байх нь буруу гэж хувьдаа бодож байна.
- Админ ямар үүрэг, эрх мэдэлтэй вэ?
- Админууд ерөөсөө энэ монголын хамгийн том форумыг өдөр тутмын хэвийн ажиллагааг нь хангах, элдэв замбараагүйтэл танхай бүдүүлэг байдал үүсэхээс сэргийлэх, тийм юм байвал устгах засах, ер нь зохион байгуулалт хэв журам сахиулах үүрэгтэй.. Эрх мэдэл нь модератор эрх мэдэлийг хүсэлт тавьсан хүмүүст олгох (гэхдээ бүх админ тэрийг хариуцдаггүй), бичлэг форум устгах, хэрэглэгчийн эрх нээх устгах хаах бандах гэх мэт ..
- Хуучин архаг гишүүд өөрсөдтэй нь админууд хүндэтгэлтэй харьцахгүй байна гээд эсэргүүцэл гаргадаг талаар?
- Хэдийгээр бид хэнийг ч бай манай вэб хуудас руу орж ирж хэрэглэдэгийг нь хүндэлж үздэг ч гэсэн хэв журамийг дээдлэн харилцан хүндлэлцэх гэсэн уур амьсгал алдагдуулж буй хүмүүсийг хүндлээд байх хэцүү болдог. Сүүлийн үед ийм асуудал нэлээн гараад байгаа. Удцан архаг гишүүн байна гэдэг нь Админ-тай сөргөөцөлдөх элдэв байдлаар үйлдлийг нь эсэргүүцэх эрх мэдэлтэй болно гэсэн үг биш. Хэдийгээр энэ нь дарангуйлал энэ тэр гэж зарим хүний дургүйцээд байгаа шиг сонсогдож болох ч, эмх журам замбараатай байдлыг сахихын тулд Админд үүрэгт ажилаа хийх боломжыг олгох нь хамгийн зүйтэй арга юм. Ер нь гишүүд ч бай бусад админ ч бай бүгд аль ч админы шийдвэрийг хүндэлж үзэх нь энэ АС цаашид оршин тогтнох үндэс ч юм.
- Хэрэв хэн нэгэн гишүүн Админ-ыг хувь хүнийх нь хувьд үзэн ядаад тэсвэрлэж тэвчээд байхад хэцүү болбол яах вэ? (харамсалтай л юм, гэхдээ тийм явдал саяхан гарсан)
- Админ энэ хавьдаа эрх мэдэлтэй нь үнэн, мэдээж хэрэг ямар нэгэн шалтгаанаар админы эрх мэдэлээ хэрэглэж үүрэгт ажилаа хийсэн үйлдэлд дургүйцэх буруугаар ойлгох хүн ойр ойрхон гардаг, мэдээж хэрэг зарим цөөхөн хүн асуудлыг дараагийн шатанд аваачиж дүргүйцэлээ илэрхийлдэг.. тэрэн дундаас бүр цөөхөн хүн асуудлыг бүр цаад шатанд аваачин админыг хувийн амьдралаар нь доромжилж "хариугаа авах" үйлдэл хийдэг.. Энэ бол буруу.. Ёс суртахуунгүй үнэхээр бүдүүлэг л явдал, гэхдээ одоо бас ийм юм болохийг сэргийлэх хэцүү л дээ.. Ааштай хүн алийг тэр гэхэв, ялангуяа интернэтийн цаанаас хэдэн ч настай ямар ч хүн юу гэж ч худлаа үнэн зүйл зохион айх ичих зүйлгүй аашилж болно.. За яахав болдог юм болоод л өнгөрнө биз, админууд тэр буйтугай зүйл хүртэж л байдаг гэлээ гэхэд саяхан болсон явдал дээр бусад гишүүд дайран дээр нь давс нэмэж "зугаагаа гаргаж" байгаа нь бүр илүү бүдүүлэг явдал бөгөөд АС-ын админууд ийм асуудалтай "хэзээ ч эвлэрэхгүй" болно.. АС-ыг бид Монголын ухаантай ухамсартай хойч үе цугларсан, өндөр ёс суртахуунтай газар байлгах "үндсэн зорилготой" шүү дээ.. Админ энэ тохиолдолд тухайн хэрэглэгчийг бандаж байгаа нь өөрийн эрх ашигийг хамгаалж буй гэхээсээ илүүтэйгээр ёс журам сахиулах үүрэгт ажилаа хийж байгаа гэдэгийг ойлгоосой гэж хүсэх байна.. Тийм асуудалтай хүмүүс нь ч гэсэн тэгэж бандуулж байсанд орвол өөрийгөө болон бусадыг хүндлээд орхиод л явчих нь уул нь амар баймаар юм.. "Ямар амь биш, амьдрал биш.."
- Зарим модераторууд админд уурласан уураа янз бүрээр илэрхийлж зарим дэд форумын бүх бичлэгийг устгасан асуудал гарсан байсан..
- Бүдүүлэг ёс суртахууны ялзралд орцон, ухаангүй гэдэгээ л харуулж байгаа гэдэгийг хүн бүр мэдэж байгаа.. Тэр хүмүүст хэлэхэд Админ та нарыг гуйж энд оруулаагүй, ямар нэгэн юм амлаагүй, харин ч таны хүсэлтийг үндэслээд итгэл олгоод эрх мэдэл үүрэгт ажил даалгахад ингэж хөсөрдүүлнэ гэдэг санаанд багтамгүй л юм.. Айлын үүдээр зочилж орж ирэхэд чинь гэрийн эзэн таныг хоймортоо залаад хүндэлж байхад худлаа инээж хоол цайг нь идэж уучаад завшаан ашиглаад бурхан тахилыг нь хулгайлаад зугтаж байгаа хулгайчаас ялгаа юу байна.. Иймэрхүү тааруу ёс суртахуунтай түүнийгээ ингэж огцом илэрхийлдэг хүмүүс цаашид АС-д бага орж ирээсэй, адаглаад Модератор тушаал битий авч байгаасай..
- Админыг сонгуулиар сонгох уу?
- Харамсалтай нь та Асуулт Самбар Тусгаар Улс гэдэг оронд биш, Асуулт.нэт-ын вэбмастеруудын үүсгэн байгуулж эзэмшиж ажиллуудаг Асуулт Самбар гэдэг вэб хуудасанд байна.. Сар бүр USD $150-200 сэрверийн төлбөр мөн хэмжээ хязгааргүй хүч хөдөлмөр цаг хугацааг хувиасаа гарган энэ вэбийг энэ олон жил ажиллуулж байгаа тул, АС нь хүссэн хүсээгүй тэр зарим хүмүүсийн мөрөөдөөд байгаа ардчилсан орон биш, ердөө нэг хувь хүмүүсийн вэб хуудас.. Та нэгэнт сайн дураараа орж ирж ашиглаж буй тул, одоо байгнаа админуудыг хүндлэх ёстой, таалагдахгүй байна гээд өөр админ сонгоно гэсэн ойлголт энэ хавьд харамсалтай нь байхгүй.. Бодит үнэн байдал ийм л байна..
- Админууд агаараар ч амьсгалж алдаа ч гаргадаг энгийн хүн мөн үү?
- Аанхаа.. яг мөн.. бусадтай л ижил уурлана айна инээнэ ханиана ичинэ балайрна баярлана хөөрцөглөнө.. хүн л юм хойно хувийн амьдрал байж л таараа, ар гэр аав ээж ах эгч, энхрий хайрт жаахан дүү, найз юмуу хайртай охин энэ тэр гээд юм юм л байгаа.. Ийм энгийн юмыг зарим хүн ойлгодоггүймуу яадийм, алдаа эндэгдэл гаргадаггүй робот байдаг юм шиг бодож төсөөлсөн байх тал ажиглагддаг.. Хэн нэгний талаар үлгэрийн төсөөлөл өөрөө ургуулан бодчоод амьдрал дээр алдаа эндэгдэл гаргахыг нь хараад санасанд нь хүрсэнгүй гээд уурлаад байгаа хүмүүст энэ хэсэгийг зориулав.. Бичихэд ч шог юм, гэхдээ хэлэхгүй байж болохгүй нь..
- Бандах гэж юу вэ?
- Энэ бол хүмүүсийн бодоод байгаа шиг тийм "аймар" юм бол биш.. Ёс суртахууны эхний дүрэмийг зөрчөөд байгаа хүнийг бид тайвшируулах, АС-д ерөнхийд нь журам сахиулах, ер нь цаг хожих үүднээс зарим хэрэглэгчидийг "аргагүй эрхэнд" банддаг. Ихэнх бан 2-3 хоногт л буцаад авагдчихдаг.. Энэ бол админы журам сахиулах ажилын энгийн "арга хэлбэр" юм.. Бидний ажигласан туршлагаас ихэнх хүн 1 өдөрийн дараа гэхэд л тэр тухайн үед үүссэн буруу ойлголт уур уцаар нь гараад буцаад хэвийн ёс суртахуунтай байдлаар АС-ыг хэрэглэх боломжтой болсон байдаг..
- Зарим хүмүүс бандуулчаад буцаж ирэхгүй энэ тэр юм яригддаг? Гишүүдээ алдаж байна гэх мэт яриа ч гардаг??
- Тэр бол бидний (админуудын) асуудал биш юм.. Бид хэзээ ч хэнийг ч АС-ыг хэрэглээч гэж гуйгаагүй, гуйх ч үгүй.. Ёс суртахуунгүй үйлдэл хийсэн учираас, түүнийгээ болихгүй байсан учираас л бандуулсан байгаа, тийм хүн АС-г хэрэглэнэ үү байна уу үнэхээр тухайн хүний л асуудал.. Асуулт Самбарт одоо бүр өдөрт 2000-3000 хүн орж байна, хэрэглэгчид нь нэмэгдээд байгаа гэхээс буураад байгаа юм байхгүй.. Бид бол хэзээд хэнийг ч манай вэбийг орж ирж ёс суртахуунтайгаар зүй зохистойгоор хэрэглэж байвал баяртай л байх болно..
Хуучин FAQ:
Шинээр Нэмэж Бичив: 2004 оны 4 сарын 6.
Энэ доорх хариултуудыг бичсэнээс хойш нэлээн хугацаа єнгєрч, ер нь форум маань тодорхой хэмжээгээр урт насалж сайхан муухай юм юмны дундуур явж єнєєдрийг хvрлээ. 4 хоногийн дараа Асуулт Самбар маань phpBB скрипт ашиглан ажиллаж эхэлсэний 2 жилийн ой болох гэж байна.
Яг нэг сарын ємнє форум маант нэг зэрэг холбогдсон хэрэглэгчийн тоо 90 гараад л ер нь єдєр бvр шахуу тэр рекорд нь эвдэгдэж байсаныг та бvхэн санаж байгаа биз, яг тэр vед сервер ачаалалаа даалгvй 2 удаа дараалан эвдрэлд орж, олон олон хэрэглэгчид бичлэгээ алдаж, мєн шинэ сервер, шинэ скрипт хувилбар суулгаж, ямар ч гэсэн орох хvний тоо тухайн vеийнхээс мэдэгтэхvйц буурч єнєєдрийн ийм дунд зэрэгийн ачаалалтай байдалд ороод байгаа билээ.
Би хувьдаа ийм байдалийг их сайшааж, цаашид ч гэсэн єнгєрсєнтэйгаа адил хэтэрхий олон хэрэглэгчид тєвлєрсєн - "тооноос цаашгvй" гэсэн чанарын таагvй тодотголтой форум болохгvй байхыг хичээн, тодорхой тооны нэлээд хэрэглэгчтэй гэхээс том жижиг сайн муу хvн болгоны ордог газар биш байж, хэн хvн дайралдаж сайнуу яасан бэ гэж буу халдаг газар биш, хэрэгцээ шаардлага асуулт асуудал дээр vндэслэсэн халуун мэтгэлцээн яриа єрнvvлдэг, ээрсэн даарсан хvний хэлээр хагас хугас бичсэн vгс биш, утга бvрэн тєгєлдєр - бичиж буй хvнийх нь соёл хvмvvжил дотоод боловсролыг нь харуулсан гvйцэд єгvvлбэр, утга санаа гарч бичигддэг Монголын Єнєєгийн Залуучуудын Оюуны Толь Форум болоосой гэж ихэд найдаж байгаа болно.
10, 50, 100, 200 жилийн дараа бид бvгд оргvйгийн оргvй, тvvхийн тvvх болсон байх болно. Тэр vед бидэнтэй адил залуу насаа эдэлж, Монгол орноороо бахархан суух vе хойчийн vр саддаа бахархах нэгэн євєг дээдэс нь болцгооё, та бидний энэ бичиж туурвиж єєрсдийгєє илэрхийлж буй бичлэгvvд маань єнєє vеийн технологийн хєгжилийн тусламжтайгаар 200 байтугай 500 жил ч наслах л болно! Магадгvй бидний vед сэтэртлээ тэргvvлтлээ их хєгжчихгvй байж болох ч, хэзээ нэгтээ чадал нь бадарч бусдад гайхагдах Монгол орныхоо тvvхийн хамгийн чухал хэсэгийн нэг нь болцгоож, эргээд биднийгээ хайн санан судлах хойч vеийнхэндээ бахархаж уншчихаар тод томруун гаргацтайхан ул мєрєє vлдээцгээе, залуусаа! Та бидний єдєр тутмын онцын чухал биш мэт vйлдлvvд, жижиг сажиг бичлэгvvд - энэ бvгд та бидний амьдралын алтан мєчvvд ч байж болох юм, зvгээр нэг юм бичихгvй, зvлгэж зvлгэж зvлгэж зvлгэж бичицгээе!
Асуулт Самбартайгаа Хамт 500 Насалцгаая!
Таныг хvндлэгч,
Хундага Админ нь..
-------------------------------------------------------------------------------
Originally written Mar, 2003:
Зарим зарчимын ч гэхиймvv, бодлогын ч гэхиймvv, байр суурьны талаар ч гэхиймvv, олон дахин эмайл, бичлэг, ПМ-р асуугдаж лавлагдаж байдаг хэдэн асуудалд энд бєєндєн хариу бичихээр шийдэв.
- Энэ форумны ажиллагааны чанар, хэрэглэгчидийн хэрэгцээг хангах талаар зарим vед гардаг доголдолтой талуудын талаар?
- Єнєєдрийн байдлаар энэ форум маань яалтачгvй монголын хамгийн олон хэрэглэгчидтэй, цар хvрээ багтаамжын хувьд хамгийн далайцтай нь болоод байгаа билээ. Иймд бид эдгээр олон мянган хэрэглэгчидээ хvндэтгэх, улс эх орноо хvндэтгэх vvднээс аль болох сайн сайхан ажиллагаатай форум ажиллуулахыг хичээдэг билээ. Гэвч бид энэ бvхнийг цэвэр сайн дурын vндсэн дээр хийдэг, ашиглагдаж байгаа программ хангамж ч гэсэн сайн дурын vндсэн дээр олон янзын хvмvvсийн хамаж нийлvvлж бичсэн PHPBB гэдэг скрипт, иймдээ ч тэрvv энэ маань алдаа гажиг гэж ярвигтай олон байдаг тул, цаашид, манай форумны vйл ажиллагаанд доголдол дутагдал гуайнууд ямар нэгэн байдлаар мэр сэр гарсаар байх болно гэдэгийг бvрэн хvлээн зєвшєєрєх хэрэгтэй.
- Бичлэгvvд устгагдаж буй талаар?
- Дээр дурдисан ёсоор, энэ сайн дурын vндэсэн дээр олон орны хvмvvс хамтран бичсэн программ хангамж маань нэлээн хэдэн алдаа гажигтай бєгєєд, форумны нийт бичлэгийн тоо хэт олшроод, хэмжээ багтаамж нь дvvрээд ирэх тусам улам улмаар алдаа гажиг нь илрэн гарах нь ихсээд байдаг болно. Єєрєєр хэлбэл, энэ форумыг хурдан алдаа багатай ажиллуулахын тулд бид хуучирсан бичлэгvvдийг заавал устгах ёстой.
- Бичлэг устгаад, бичлэгийн тоо хэвээр vлдэж болох уу?
- Болно. Админий хэрэглэдэг "Хуучирсан бичлэгvvдийг цэвэрлэх" функц маань хуучин бичлэгvvдийг устгаад хэрэглэгчидийн бичлэгийн тоог хасдаггvй. Гэхдээ тэр сэдэв нь датабейс алдаатай мэдээлэл орсон байсан бол, энэ функц маань ажиллаж чаддаггvй. Ийм vед админ буюу модераторууд уг сэдэвийг гараар устгасан бол хэрэглэгчидийн бичлэгийн тоо хасагдаж таарч байгаам даа..
- Зарим бичлэг зарим хэрэглэгчидийн хувьд асар vнэ цайтай, сэтгэл итгэлийнх нь нэгэн хэсэг болсон байхад, устгагдчихсан байдаг?
- Ийм явдал тохиолддогт би маш их харамсаж байна. Дээрх тайлбаруудад дурьдисан ёсоор, энэ форумд байгаа сэдэвvvд хэзээ ч ямар ч байдлаар хэнийг ч хvсээгvй байхад устгагдах, эсвэл техник алдаа vvсэх, датабейст алдаа орох, хакер халдлагад єртєх гэх мэт шалтгаануудаар дахин сэргээгдэшгvйгээр алдагдах аюулд байдагийг хvлээн зєвшєєрєхєєс єєр аргагvй. Иймд vнэхээр тэр бичлэг тань таньд vнэ цэнэтэй бол, тvvнийгээ єєрийн компъютер дээр хуулж авах буюу цаасан дээр принтерлэн авч хадгалж байхыг зєвлєх байна.
- Цєєн тооны зарим гишvvн сэтгэл санааны байдлаасаа болж єєрийн бvх бичлэгээ устгаад єг, єєрийн гишvvнчлэлийг устгаад єг гэх мэт хvсэлт тавьдаг талаар?
- Энэ форумд админд зориулж энэ vйлдлийг хялбарчилсан функц байдаггvй. Иймд иймэрхvv хvсэлтийг биелvvлэхийн тулд админ, модераторууд бvх бичлэгийг нэг нэгээр нь тvvж устгах хэрэгтэй болно. Асар их цаг зав авна, иймд ийм хvсэлтийг ерєєсєє хvлээж авах боломжгvй юм. Хэрэв тийм шаардлагатай юм бол, ерєєсєє энэ форумд орж ирэхгvй байхад л болно шvv дээ. (уучилаарай бvдvvлэг сонсогдож байгааг ойлгож байна, нэгэнт иймэрхvv тохиолдол мэр сэр гардагаас хойш, vvнийг ингэж хэлж бичихээс єєр аргагvй болов, уучилаарай.)
- Зарим хэрэглэгч админы vйл ажиллагааг буруугаар ойлгон, хувь хvндээ тусган авч гомдол євєрлєн хоцорч байгаа тохиолдол эрх биш зєндєє байдаг биз?
- Энэ форумд єдєр бvр 700-900 хэрэглэгч холбогддог, над мэтийн ганц нэг єдєр алгасаж ордог хvмvvс ихэнх нь гэж бодвол даруй хэдэн мянгаар тоологдох хvмvvс хэрэглэж байгаа биз. Энэ форумд админ, модераторууд бичлэгийг тань устгах мэтээр ганц таныг гэж гадуурхан vзэж байх огт боломжгvй асуудал юм. Нєгєє талаас, ерєєсєє энэ бvхэнийг эрхлэн хийж байгаа маань: сайн сайханыг зорин, ариун цагаан vйлсийг дэлгэрvvлэхийг хичээн, улс орныхоо хvvхэд залууст оюун ухаан - эрдэм мэдлэг - мэдээлэл санаа бодлоо хуваалцах гvvр уулзах газрыг нь vvсгэе гэж мундаг юм зорьж эхлvvлчихээд, эрхэм хvндэт гишvvн таныгаа гомдоох vйлдэл гаргая гэж бодохгvй нь тодорхой шvv дээ.
So wheneva something happens on this forum, dont take it personally~! We're receiving lots of complaints, and kind of tired.
So, BE COOL, WE LOVE YOU ALL!
ЕРӨНХИЙЛӨГЧ!
