Плам&Ксин Үнэ Цэнэ!

[ksinya]

[sweetplum]

[sweetplum]

Тархин дахь утаа хэмээх контемпорари үзэсгэлэнг 25нд яг хаалтынх нь өдөр Ксинтайгаа хамт явж үзсэн. Өмнө нь 16 , 17 н хавьцаа очсон боловч хүн нь явсан байсан тул дараагийн долоо хоногт нь хамаг ажлаа зохицуулан байж үзсэн. Аягүй их таалагдсан. Товчдоо:



Чихэвчээр нь юу явахыг сонссон , эхлээд зургийг нь хархад эвгүй санагдаад байсан чинь очоод хартал зүв зүгээр бээлээ , намайг хазаагүй , ммм... чихэвчээр нь эхлээд сонсохдоо хүн амьсгалахыг л сонссон бас эвгүй санагдаад ксинд чихэвчийг өгсөн чинь сонсжыснаа хүүхэд уйлаад байна гэсэн би гайхаад дахиад сонссон нүдээ аниад урт хугацаагаар , хүн амьсгалсан , хүүхэд уйлан сандал чийхарсан , сайн ойлгоогүй.

[sweetplum]

Зарим жигүүртэн оройгүй тэнгэрт дүүлж явахад зарим нь газраасаа ч хөндийрч чаддаггүй.

[ksinya]

Чимчигнэх зүрхэнд гуниг.....Бодол орооцолдоно...
Чимээ гарах бүрий сэтгэлд түгшүүр...
Эргэн тойрон хүйтэн ертөнц.....Дүнсгэр...
Энд ч тэнд ч адил, бүгд хоосон...

[ksinya]

Торонд хоригдсон шувуу
Ялаа болоод эрвээхэйн зүг
Яаж харсан гээч

[ksinya]

Амьдралыг би түүнд хангалттай амсуулна, аа
Аль л бузар булайн намагт тэр тийчлэх вий
Дорд сэтгэлийн нүгэл, хоосрол гэгч юу болохыг
Туршилтыг минь туулахдаа нэг бүрчлэн үзэх вий
Байж ядсан шуналаар зан суртал нь дүүрэн
Байгаа бүхнээс тэр галзуу солиог л ташаана
Оногдох баяр жаргалаа цаг тутам огоорч
Ойлгомжгүй хаа нэг тийш тэвдүү яаруу зугтана.

[ksinya]

Бодол бол ухамсарт тэмүүлсэн нууцлаг амьдралын хөрөнгө зоорь нь
Бодол бол сэтгэлд тогтсон хэм хэмжүүрийн баталгаа сорьц нь
Бодол бол амьдралын нүүр тулж харах,аливааг тайлж уншихын нэр
Бодол бол туршлага сууж хэрсүүжих, тунгааснаа эцэслэж дүгнэхийн дүр
Бодол бол илбэ бус дасгал бус, заль боловсрох үүр ч биш
Бодол бол энэ ертөнцийг анхааран чагнагч итгэл дүүрэн хүмүүн

[sweetplum]

[ksinya]

Гадаа унасан сарны туяаг
Дэнлүү барин тэмтрээд үз...
Газрын зураг дээр тэр улс үгүй,
Ганцхан зүрх сэтгэлд минь л зурагднам.


Өндийж баяр баясгалан тэмтрээд
Өөрөө тэр баяр баясгалан болно
Үг түм, түмээрээ түүнээс цацравч
Үнэндээ ямар ч утгагүй аж

[sweetplum]

Хавар

Жигд хурдтай явах автобусны урдуур амиа аргацаан хамаг хурдаараа гүйсэндээ өөдөөс ирж явсан нэгний энгэр лүү шургалан орж , бэлхүүсээрээ тэврүүлэн эргүүлүүлж чигээр тэмүүлэн гарнаас нь мултран одлоо. Тэртээгээс тусах түүний сүүдэр араас минь харж зогсоогоор байшингийн сүүдэрт булингартан нүднээс минь далдарна. Одоо түүнд ганихаралгүй толгой эгц харж болох нь. Нэгнээс нь салаад нөгөөдүүлийнх нь гарт. Танидаггүй танилууд. Түрүүний мөргөлдөөнийг нүд салгалгүй харцгааж , ярианы сэдвээ аль хэдийнэ миний зүг хандуулсан бололтой , нүд цавчилгүй ширгэтэл минь ширтэнэ. Ундууцал үргэлжлсээр аль хэдийн уур хилэн болж. Хөмсгөө зангидан , уруулуу шилэмдэн гараа халаасандаа гүн шургуулж тэднээс арван алхамын зайд огцом баруун тийш эргэвэл нар зулай дээр төөнөж тайвшрал мансуурлыг олгоно. Нүдээ аниж нарны зүг харан бүлээн дулааныг мэдэрч өвлийн жаврыг зүүдэндээ үлдээнэ. Тайтгаралдаа автан нам гүмд хойш эргэн зугуухан нүдээ нээвэл танихгүй танилууд инээн өөдөөс харж зогсоно. Зэвүүцэл төрөн толгойгоо баруун гараараа маажин түргэн алхлан өөрөөсөө намхан , зогсоолд тавигдсан пицца зөөгч машины хажуугаар цүнхээрээ толийг нь цохин гарлаа. Дахиад нэг автобус дохиогоо хэнгэрэг хагартал дуугаргана. татуулсанд салхинд нь үс минь хойш хийсч , нүд тас анигдана. Нүргээн дууссан бололтой , инээд хангинаж , хөлөө хурдан зөөн тавих хэрэгтэйг санууллаа. Замын цаана гараад гүнзгий нэг санаа алдаад саяны таашаасан мэдрэмжээ ахин хүртэхийг тэмүүлэн нар луу өлийн гуйвангүй алхана. Нар над дээр тусах нь гайхалтай. Бүлээхэн , алгуур нүүр халуу оргиулна , хэн нэгний анхилам бүлээн амьсгаа шиг нүүр , хүзүү минь илбэдүүлнэ. Амгалан байдлыг чанх өөдөөс салхилах өвлийн шинжийг гээгээгүй зэврүүн салхи эвдэнэ. Эгдүүцэл , орчныг үл хайхардаг зуршлаа биелүүлж бушуухан шиг энгэрээ түгжиж аваад савхин бээлийгээ углан толгой гудайлган бусдаас эрс удаан гэлдэрнэ. Нар толгойгоо доошоо харуулсан ч урьдын адил над руу төөнөнө. Энэ л үед нарыг би туйлын ихээр хайрлалаа. Хаврын нар , дахиж бүтэн жилийн дараа л ирнэ. Би энэ боломжыг алдахгүй , хэд хоногтоо нараар явна аа , Зун болонгуут би эргээд сүүдэр доороо гунхана.

[MissNoGood]

бичкээн тэмдэглээд авчий, хааяа хайгаад олдоггүй ийн

[ksinya]

Агаарт гуниг өлгөөстэй...
Олны дүйвээнд самуурсан зүрх
Орхигдож хөсөр гээгдсэн хувцас
Мартагдсан ам тангараг мэт:

[ksinya]

Буйдан минь, надад зочин хайрла
Ширээ минь, зугаатай оройн зоог зэх
Чийдэн минь, наашаа хараад инээмсэглэ
Чи харин цааш хар, толь минь, энэ яавч би биш

[sweetplum]

[ksinya]

ROMEO
How oft when men are at the point of death
Have they been merry! which their keepers call
A lightning before death: O, how may I
Call this a lightning? O my love! my life!
Death, that hath suck'd the honey of thy breath8
Hath had no power yet upon thy beauty:
Thou art not conquer'd; beauty's ensign yet
Is crimson in thy lips and in thy cheeks,
And death's pale flag is not advanced there.
Tybalt, liest thou there in thy bloody sheet?
O, what more favour can I do to thee
Than with that hand that cut thy youth in twain
To sunder his that was thine enemy?
Forgive me, cousin! Ah, dear Juliet,
Why art thou yet so fair? shall I believe
That unsubstantial death is amorous
And that the lean abhorred monster keeps
Thee here in dark to be his paramour?
For fear of that, I still will stay with thee;
And never from this palace of dim night
Depart again: here, here will I remain
With worms that are thy chamber-maids; O, here
Will I set up my everlasting rest
And shake the yoke of inauspicious stars
From this world-wearied flesh. Eyes, look your last!
Arms, take your last embrace! and lips, O you
The doors of breath, seal with a righteous kiss
A dateless bargain to engrossing death!
Come, bitter conduct, come, unsavory guide!
Thou desperate pilot, now at once run on
The dashing rocks thy sea-sick weary bark!
Here's to my love!
Drinks

[ksinya]

РОМЕО
Хэр олон хүн үхэл рүүгээ өрөө явдаг бол?
Баяртайгаар хийдэг болов уу, үгүй юу?
Дээд тэнгэрийн үүдэн манаачид хагацлын өмнөх гэрлийг дууддаг гэнэ
Харин би өөрийн биеэр тэр гэрлийг дуудаж болох болов уу?
Өө, амьдрал минь, эхнэр минь
Үхэл чиний бал мэт амьсгалыг ховх сорсон ч
Гоо үзэсгэлэнг чинь булаах хүч байсангүй
Уруул чинь интоор мэт улаан, хацар чинь ягаанаараа байна
Үзвэл үхлийн зэвхий туг ойртож ч чадаагүй бололтой
Чи минь цусаар будагдсан орон дээр
Өө, чамайгаа хөнөөчихсөн энэ гараараа ямар тус чамд хүргэх вэ?
Залуу хосыг салгадаг Тайболт чи бидний дайсан юм уу
Намайг өршөө авга минь! Аа, хонгор Жулиет
Яагаад бурхан чамд минь ийм шудрага бус хандана?
Энэ зуурдын үхэлтэй эвлэрэх ёстой юу би
Аймшигт мангас өөрийн хүслээр чамайг минь
Эзэмшил нутагтай хорио юу? Чиний төлөө
Тэгсэн ч би чамтайгаа хамт байна
Тэгээд шөнийн харанхуй нөмрөн нөмөртөл гарч ирэхгүй
Чиний өлмий доор мушгирах өт болоод ч
Чамтайгаа хамт үлдмээр байна
Өө, үүрд санахаар сүүлчийн ёслол хийж
Бүүдгэр хос оддын тоосыг гөвөх нь
Энэ ертөнцөд би өөрийн биеэ цуцтал явлаа
Нүд, чи сүүлийн удаа хар
Гар, чи сүүлийн удаа тэвэр
Уруул, амьсгалын үүд, чи шудрага үнсэлтээрээ тамгалж
Эцсийн удаа энхрий түүнийг үнс
Насгүй наймаагаар үхлийг худалдан авсан билээ
Хүрээд ирээч жим, хүрээд ирээч авралгүй хөтөч
Нэг л удаа тэгээд үүрд
Хад чулууг үйртэл, далай тэнгис ширгэтэл
Хайрынхаа төлөө!

[ksinya]

энэ ромеогийн шүлгийг багваахай маань надад зориулж
олоод бас орчуулан бэлэг болгон өгсөн юм.
өвчтэй байсан байж сэтгэл гарган орчуулж өгсөнд нь асар их талархаж явдаг
мөн бүхэл бүтэн таван хоног ноцолдсон гэсэн
эцэст нь багваахай ялсан юм гэнэ лээ.

[ksinya]

Хөх номин үнсэлтэд газар дэлхий мансуурч
Хүй эртний домог амилж ахин сэргэнэм
Тэнгэр газар хоёр анх болзох мэт гирэвшиж
Тэдний ичимхий учрал үдшийг нэвт асгарнам


Шижигнэх саарал чимээнд ялдам энхрийлэл сэрж,
Сэтгэл зүрхний тэнгэр гүн цэнхрээр туяарч
Эмзэгхэн дуслууд цонхон дээр хэрхэн үхэхийг бясалгахуй
Итгэл найдвар өөрийн эрхгүй уй гашууд хувирнам.


Нам гүмийн дунд чи эртний дуу гүвтнэм,
Навчсын өнгөнд алтрах ид шидийг шагнанам
Хоосорсон зүрх тэр л дуунд чинь уймран өмөрч
Хорвоогийн гаслангийн гарцгүй, харанхуйд сөхрөн автнам.

[ksinya]

Яс замын уулзвар дээр цэх зогсоод дуул!

[ksinya]

Үүрдийн амгалан
Үелзэгч цүнхээлийн сэрүүн царай
Үнсээч гэж намайг гуйсан юм аа.


Үдээс хойшхи нам гүмийн дунд моддын сүүдэр
Яг л миний зүрхэн дэх сүүдрүүд шиг нуугдаж тоглоцгооно.



Эрвээхэйн хатгуур могойноос ч хорлонтой.!

[ksinya]

Эд юмс болоод хүмүүс
Эргэн тойронд маань хүрээлнэ
Тал талаас нүдийг маань тамлана.
Тас харанхуйд л амьдрах юмсан.

[ksinya]

[sweetplum]

[sweetplum]

Don't wake up
I feel strange
When you go

Stop the night
Hold me tight
Holy girl

Don't stand up
I feel strange
When you go

[sweetplum]

Зүүд
Удаан хугацааны тарамдсан зүүдний дараах ганц зүүд шиг зүүд өчигдөрийнх байлаа. Хоньчин , хоньтой зүүд. Mary had a little lamb , little lamb , little lamb. Мөн зүүдний нэг хэсэг нь би. Үнэнийг хэлэхэд яг бүтнээр нь санахгүй байна. Ямартай ч утга нь нэг иймэрдүү. Гэхдээ та зүүд үлгэр мэт байдагийг санаарай. Эцэг хоньчин төрсөн охиноо , мөн намайг дагуулаад хониндоо явлаа. Уулын бэлд орших гэрээсээ гараад суурь хонио уул өөд тууна. Би гэрээс оройтож гараад араас нь гүйн гүйцэхээр гүйж явтал цаашаа хар хэмээн даллаж байх юм. Эргээд харвал гэрээс гарахад минь уйлаад үлдсэн хүүхэд тэнтэр тунтар нааш хамаг чадлаараа аахилан алхана. Өөдөөс нь тосож очиж хууран , эргүүлж гэрт нь хүргэж өгөөд хоньчидын араас явлаа. Уул дөнгөж давмагц нөгөө хоёр маань ажилаа хийгээд аль хэдийн эхэлснийг би харж байлаа. Эцэг нь хонинуудыг нэг нэгээр ноосыг нь цахилгаан үс хусагчаар авч байх юм. Гэтэл хонинууд ноосо хусуулсны дараа бор илэгэн хүрэмтэй хонин хүннүүдээр нэг нэгээрээ солигдоно. Харагдах байдал нь хонь бөгөөд хүн , хүний хэлээр эзэнтэйгээ яагаад бидний ноосыг хусчихаж байгаа юм бэ гээд уцаарлангуй асууцгана. Богинохон хөгжилтэй зүүд , хүнийг пингвин зодолдуулж зүүдэллээ гээд шоолоод байсан өөрөө ийм хачирхалтай юм зүүдэлдэг л юм байна. Хэрвээ үргэлжлүүлээд зүүдэлсэн бол хүнэн хонинууд яах ч байсан юм билээ??????

2010.04.23