Тоглоомын газар луу АК-тай этгээдүүд дайран орж,зодоон үүсгэж, үр дүнд нь 34 хүн хутгалуулж , тэрбум гаруй төгрөг дээрэмдэгдсэн байна гэсэн мэдээлэл олныг цочирдуулсан билээ.
Тэгвэл цагдаагийн газраас: 2 хүн гэмтсэн, 8 хүн хөнгөн гэмтэл авсан, айлд байсан 10 хүн рүү бүлэг этгээд дайрч, дээрэм үйлдсэн, хэрэгт холбогдолтой А, Б нарыг баривчилсан, бусдыг нь эрэн сурвалжилж байна гэжээ. ГССҮТ-ийнхэн хоёр хүн маш хүнд байдалтай, толгой, хамаг бие хавантай, толгой, гартаа хутганы шархтай ирсэн, нэг нь гадаад руу яаралтай явж эмчлүүлэхээр болсон гэжээ. Янз бүрийн эх сурвалжаас, мөрийтэй тоглож байсан бизнесменүүд рүү бүлэг дээрэмчин дайрч, зодоон үүсэж, 500 сая төгрөг, 1,5 кг алт дээрэмдэгдсэн, алтны уурхайн эзэн хохирогсдын дунд байсан гэв.
Дайрсан гэх хүмүүсийн нэг Шош Алтангэрэл гэдэг нь дээрэм, танхайн хэргээр нийт 20 жил шоронд суусан, өршөөлөөр суллагдсан нэгэн, Ландага Батцэнгэл нь мөн дээрэм, танхайн хэрэгт удаа дараа орж байсан.
