Дутуу юм гэж орчлонд үгүй

[Rizza]

Энэ долоо хоног ч ажлаар амьсгалсан 7 хоног болох нь дээ. Өчигдөр орой 9-р сарын 1нээс өмнө хийж дуусгах ажлуудаа цаасан дээр нэг бүрчлэн бичиж үзлээ. Бас л чамгүй урт жагсаалт гарч байна лээ шүү. Өнөөдрөөс ажлынхаа зав зайгаар нэг нэгээр нь хийж дуусгана даа.

Хийх ёстой ажлуудаа тэмдэглэлийн дэвтэр дээрээ жижиг гэлтгүй нэг бүрчлэн жагсааж бичээд, дууссан ажлаа нэг нэгээр нь дараад явбал их дажгүй юм байна. Хэрвээ хийх ёстой ажил нь том хэмжээтэй, хугацаа шаардсан ажил бол жижиг жижиг хэсгээр нь задалж бичээд тэрнийхээ дагуу хийж эхлэх хэрэгтэй гэж байгаа. Өмнө нь ингэж жагсааж бичиж үзээгүй лдээ. Өчигдөр орой бичээд үзсэн чинь үүрч явсан хүнд цүнхээ аваад хаячихсан юм шиг, нэг л тийм эрх чөлөөтэй гоё таатай мэдрэмж төрсөн. Ажлаа хийж дуусаад дэвтэр дээрээ тэмдэглэл хийгээд явахаар бүр ч гоё урамтай байх байхаа. Тэмдэглэлийн дэвтэрт бүх зүйлээ бичээд төлөвлөөд явахаар тэмдэглэлийн дэвтэртээ захирагдаж баригдах биш харин ч амьдрал илүү эмх цэгцтэй, чөлөөтэй болж, зохион байгуулалттай болдог гэж уншиж байсан маань толгойд шууд орж ирсэн. Олон жижиг сажиг асуудлыг мартана гэж санаа зовож зүйлгүй, жагсаалтаа харж байгаад цагийн зохион байгуулалтаа хийгээд явах нь хамаагүй дарамт багатай арга санагдаад хоёр сар тэмдэглэлийнхээ дэвтэртэй нөхөрлөхөөр шийдлээ.

[Rizza]

Биелээгүй хүслийнхээ араас гоморхон урвайж суух биш одоо байгаа боломжоо ашиглаж чадвал магадгүй өмнө нь төсөөлж ч байгаагүй том хаалга чамд үүдээ нээх болно.

[Rizza]

Би азтай....
Ойрдоо ажил төрөл сайхан бүтээд сэтгэл санаа сайхан байна аа. Маргааш хөдөө явна аа. Сайхан агаарт гарчихаад ирнэ.

[Rizza]

Яаж хийж байгаагаасаа илүү Юу хийж байгаа нь чухал байдаг.

[Rizza]

Анхны сургуульд сураагүй намар. Лекц, семинар, сургууль, анги аль нь ч алга. Огт төсөөлж байгаагүй амьдрал эхэллээ дээ. Нэг бодлын хэцүү ч хичээлтэй байхад хийж амждаггүй байсан ажлуудаа хийх сайхан боломж.

[Rizza]

0

[Rizza]

Гоё дуу юм аа. Өдөржингөө л амандаа аялж явлаа.

[Rizza]

Дутуу юм гэж орчлонд үгүй
Дурлалын үгс далд тусмаа амттай...

[Rizza]

[Rizza]

Өдөржингөө гэртээ ганцаараа амрах чинь ямар сайхан юм бэ.

[Rizza]

Өөртөө л 100 хувь итгэ өөрөөсөө ондоо хэнд ч 100 хувь битгий итгэ. Чамд л гай болно.

[Rizza]

... Сургууль, ажил, гэр гэж завгүй гүйсээр нэг мэдэхэд 10 сар болох гэж байна. Завгүй байхад цаг хугацаа харвасан сум шиг өнгөрөх нь сайхан юм шиг хэрнээ харамсалтай санагддаг боллоо. Хайран цаг хугацааг дэмий шахуу өнгөрүүлж байгаадаа харамсаж байна. Бураа замаар явж буйгаа мэдсэн хэрнээ л буруу замаасаа гарч чадахгүй алхсаар чамлахааргүй хол замыг туулчихсан байна.

[Rizza]

Сүүлийн хэдэн өдөр бодлоос гарахгүй, тааралдахаараа сандраад, олигтой юм ярьж чадахгүй, элдэв юм бодогдох мэтийн шинж тэмдгүүд илэрээд байгаа. Онош нь ямар гарсан байхнуу? Дурласан байх нь. Хугацаа алдалгүй уулзаж учираад, эдгээх, хүндрүүлэхээ шийдэхгүй бол хугацаа нь хэтэрчихвэл эдгэсэн ч биш байсан биш 2-н хооронд дэмий хууч өвчин нэгээр нэмэгдэнэ.

[Rizza]

Үг бүрийнхээ араас п**да хэлж байгаагаа сайхан гэж боддог бол хөөрхий л байна даа

[Rizza]

Намрын ээлжит нойргүйдлийн үе эхэлчив үү яав. цаг 3 өнгөрч байдаг. Нойр хүрэх шинж алга. Ойрдоо ажил ихтэй байгаа болохоор шөнө сууж бага сага ажил амжуулах нь сайхан ч маргаашийн ажлаа ерөнхийд нь алчихаад байгаа нь том асуудал юм даа.

[Rizza]

Байх ёстой юм бүхэн байгаа хэрнээ цаанаа л нэг хооосон, дутуу санагдаад байх юм.

[Rizza]

Одоо хэдхэн хоног тэсээд, ажлаа дуусгачихвал сайхан амьдрал эхлэх гээд байна шүү. Жаахан ч тэсчихвэл бүх зүйл сайхан болно. Тийм учраас хичээх хэрэгтэй. Би чадна аа.

[Rizza]

Хийх юм маш их байхад нойр хүрээд ёстой новш юмаа... Яг унтлаа.

[Rizza]

Өнгөрсөн юм бол өнгөрсөн л зүйл. Түүнийг дурсамж гэдгийн. Эргэн санахад чамд урам зориг, өөртөө итгэх итгэл өгж, сэтгэл санааг чинь дээшлүүлж дэмжиж чаддаг бол дурсаж бодоход буруу зүйл байхгүй. Харин эсрэгээр нь урмыг чинь хугалж, зоригийг чинь мохоож, өөртөө итгэх итгэлийг чинь бага ч гэсэн хулгайлах дурсамжийг хэзээ ч бүү дурс. Ор тас мартсан нь дээр. Иймэрхүү дурсамжийг дурсаж бодсоноор бид хамгийн үнэтэй зүйл болох ОДОО->ИРЭЭДҮЙГЭЭ алдаж байдаг. Нэг үгээр нэг алхам урагшлаад 2 алхам ухарч байна гэсэн үг. Тийм учраас "Хэрвээ би тэр үед тэгсэн бол", "Тэр тийм байсан бол" гэх мэт үгсийг тархинаасаа авч хая.

[Rizza]

Хүлээн зөвшөөрөгдөх гэж хүчлэхгүй ээ. Цаг хугацаа аяндаа бүгдийг харуулаад өгнө. Цаг нь болохоор ирэх галт тэрэгний өмнөөс угтаж гүйх хэрэг алга. Түүнээс ч чухал асуудал надад зөндөө.

[Rizza]

Яадгийн би өөртөө хайртай. Би л өөрийгөө хайрлахгүй юм бол өөр хэн намайг хайрлахын. Өөрийгөө хайрлаж чадахгүй байж өөр хэн нэгнийг хайрлах гэж дайрах нь тэнэг хэрэг.

[Rizza]

Саяхан юм шиг санагдах ч тэр аймшигт явдлаас хойш 7 жил өнгөрчихжээ. 7 жилийн өмнөх энэ өглөө -Ах нь ажилдаа явлаа. Хичээлээ сайн хийгээд ээждээ сайн туслаад байж байгаарай. Агаа нь ирэхээрээ гоё юм авч өгнө за. Энүүгээр юм авч идээрэй гээд л 1000 төгрөг өгсөн сөн. Хичээлдээ явахын өмнө болсон энэ аминчхан яриа бидний хамгийн сүүлчийн яриа болж, хэлсэн захиас нь ахын минь сүүлчийн захиас, надад өгсөн хамгийн сүүлчийн чихэрний мөнгө тэр байсан. Ахынхаа инээд, ухаалаг дөлгөөхөн нүдийг дахиж хэзээ ч хараагүй. Таныгаа маш их үгүйлж байна. Таньдаа хайртай.

[Rizza]

«Зүрх сэтгэлээс гардаг бүхэн зүрх сэтгэлд хүрдэг»

[Rizza]

Юу бодож, юу сэтгэж, юуг яаж хүлээж авч, хэнтэй хэрхэн харьцахаа би хэнээр ч заалгахгүй. Гаргасан шийдвэр, хийсэн үйлийнхээ арыг нь даачихтайгаа байгаа болохоор надад санаа зовоод яах нь вэ?

[Toshiloo]

Нээрээ л дутуу юмгүй орчлон юм даа

[Rizza]

Нээрээ л дутуу юмгүй орчлон юм даа