Саруул написал: 3-р сар.29.19 2:29 pm Орос хятад хоёр хүч тэнцвэртэй байдаг, тэгээд цаана нь бас энэ хоёроос хэт давамгай хүч байдаг ийм хувилбар л манайд хамгийн таатай нь. Горбачев гэгчийн үед бол Монголыг ерөөсөө л шуудхан хятадуудаа авбал аваарай гээд хаячихсан шүү дээ. 1989 онд орос хятад хоёр хил дээрх цэргээ цөөлөх гэрээнд гарын үсэг зурсан, тэр гэрээний дагуу зөвлөлтийн цэрэг, мэргэжилтнүүд бүгд ум хумгүй гараад гүйсэн. Бүр 1980-аад оноос оросууд харилцаагаа сайжруулах талаар хятадад санал тавихад хужаа нар өмнөөс нь тавьж байсан хамгийн гол болзлуудын нэг нь монголоос цэргээ гаргах байсан. Горбигийн үед тэгээд тохиролцоонд хүрсэн нь тэр. Миний ерөнхийлөгч байхдаа хийсэн хамгийн гол зүйл бол дорнын их хөрш хятадтай харилцаагаа сайжруулсан явдал гэж сүүлд Горби хэлсэн байдаг.
Харин одоогийн оросын байдал маш муу, эдийн засгийн хувьд гэхэд америкаас бараг 14 дахин жижиг эдийн засагтай, хил залгаа бараг бүх орныхоо салан тусгаарлагчдийг дэмжиж газар нутагт нь өнгөлзсөн, дэлхийн болохгүй бүтэхгүй бүхнийг дэмжсэн, өөрийн гэсэн компьютер, зурагт ч хийж чадахгүй хэр нь зэвсэглэлээр хөөцөлдөж милитаржсан нэг ийм л түрэмгий гүрэн болчихоод байна. Манай зэвсэг дэлхийд хосгүй гэдэг нэг тийм онигоотой, угтаа бол шинээр хийгдэж байгаа зэвсгүүд нь бүгд Зөвлөлтийн үеийн төслийг арайхийн гүйцээж хийсэн байх жишээтэй. Дуунаас хэт хурдан Авангард гэхэд зөвлөлтийн бүр 1980-аад оны Альбатрос төсөл шүү дээ. Олигтой тархинуудаа бүгдийг нь гадагш алдсан, одоо шинэ юм гарах нь юу л бол.
Путины рэйтинг 30 хувь дээр арайхийж тогтож байна, оросын ард түмний ганц хүсэл нь путин хурдан зайлаад өгөөсэй л гэж байна. Оросын захын сайт руу ороод сэтгэгдлүүдийг нь уншаад үзээрэй. Ямар сайндаа өнгөрсөн шинэ жилээр ютүб дээр тавьсан ерөнхийлөгчийн мэндчилгээн дээр нь хэдхэн цагийн дотор лайкаасаа арав дахин олон дизлайк дарагдаж, сэтгэгдэл бичсэн хүн болгон шахуу хараагаад эхлэхээр сандраад сэтгэгдэл лайкийг нь дор нь хааж байх вэ дээ.
Аль 1600-аад оноос л Оросууд баруун Европ шиг болохыг хүсэж тэмүүлж , олон оролдлого хийсэн . Гэтэл одоо бас л баруунаас хоцрогдсон хэвээр . Олон Оросууд удирдагчдад л хамаг бурууг тохож ард түмэн гэм буруугүй гэцгээн олон өөрчлөлт хийж , цус ч их урссан . Тэглээ гээд бас л хоцрогдсон хэвээр . Путин унасаны дараа Орос орон баруун шиг болчихно гэж бодохгүй л байна . Харин ч 90-ээд оны анархи байдалруу ч орж магадгүй .
Барууныхан ч гэсэн аль 1700-аад оноос л ард түмэндээ таарсан удирдагчид байдаг гэдгийг хэлсээр ирсэн . Хойд Со мэтийн цөөхөн тохиолдлоос бусдад нь энэ нь ямар үнэн болох нь харагдсаар ирсэн .
Дүгнээд хэлэхэд яагаад Орос баруун Европ шиг баян биш вэ ? Учир нь Оросууд бол Герман биш Франц биш Англи биш , Оросууд бол Оросууд . Удирдагчид дарангуйлагчид системээ хичнээн өөрчлөөд ямар ч нэмэр байгаагүй
Ер нь манай форумд оросын талаар Саруул шиг бодит юм хэлдэг хүн байхгүй шүү.